Yeni "iPhone"lar təqdim edildi – İMKANLARI VƏ QİYMƏTİ
Sentyabrın 9-da Apple şirkəti özünün yeni məhsullarını təqdim edib. Bütün dünyada izlənilən təqdimat mərasiminin əsas məhsulları yeni iPhone 6s və iPhone 6s Plus smartfonları olub.
Yeni "iPhone"nin göstəriciləri əladır: 3D Touch funksiyalı ekran, daha möhkəm korpus (əvvəlki versiyada olduğu kimi cibdə sınması mümkün olmayacaq), bundan əvvəlki A8 prosessoruna nisbətən 70% güclü olan A9 prosessor, əvvəlkindən 2 dəfə sürətli LTE və Wi-Fi imkanları, 12-meqapiksel arxa və 5-meqapiksel ön kamera, "canlı" şəkillər imkanı, 4K video çəkilişi imkanı. Ön kamera ilə qaranlıqda da çəkilişlər etmək imkanları yaradılıb. Yeni "iPhone"nin kameralarının təqdimat mərasimində nümayişi iştirakçıları heyran edib. Kameraların avtofokusu daha cəld, rəng çatdırma qabiliyyəti daha dəqiq olacaq. Yeni telefonlar barmaq izlərini də daha cəld oxuyacaqlar. Telefonların A9 prosessoru isə imkanlaına görə stolüstü kompüterlər səviyəsindədir.
Smartfonların satışına sentyabrın 25-dən başlanacaq. Yeni "iPhone"ların qiyməti Rusiyada 16 QB model üçün 49 990 rubl (770 dollar), 64 QB üçün 56 990 rubl (880 dollar), 128 QB model üçün isə 63 990 rubl (980 dollar) olacaq. iPhone 6s Plus modeli isə hər versiyada kiçik variantdan 100 avro baha olacaq.
Smartfonlarla yanaşı, Apple özünün yeni planşetini – "iPad Pro"nu təqdim edib. 12,9 dümlük planşetin eksrenı 5,6 Meqapiksildir ki, bu da əvvəlki versiyadan qat-qat artıqdır. Burada istifadə olunan A9X prosessoru isə stolüstü kompüterlərin prosessorundan 1,8 dəfə güclüdür.
Bundan başqa, şirkət Apple TV-nin yeni qurğusunu, eləcə də iOS 9, OS X El Capitan və Siri sisli bələdçisininin imkanlarını nümayiş etdirib.
