Samsung kamera sektorundan çıxır?
Texnologiya sektorunda sentyabrdan bəri yayılan məlumatlar özünü doğruldub. Samsung şirkəti Nikon ilə hər iki tərəfi də sektorda zirvəyə aparan razılaşmaya imza atıb.
Unvan.az Xeberler.az-a istinadən məlumatına görə, Samsung kamera sektorundan çıxır və bu sektordakı bazar payını Nikon-a həvalə edir.
Kamera və foto avadanlıqları sektorunun qabaqcıl firmalarından olan, xüsusilə NX1 ilə əksəriyyət istifadəçinin müsbət rəyini alan Nikon Samsung-un işlərini öhdəsinə götürəcək.
Nikon 1-düymlük və APS-C sensorlarını Samsung-dan götürüb əvəzində digər sektorda tam inkişaf etməsi üçün Samsung-a kömək edirdi. Daha sonra NX sisteminin texnologiyasının istifadəsinə başlayan Nikon son olaraq Samsung-un NX linzalarının istehsal texnologiyasından istifadə etməyə başlayıb.
Son məlumatlara görə, Samsung kamera istehsalı ilə məşğul olan hissələrini rəsmi olaraq Nikon-a satıb.
Hər kəsi maraqlandıran məqam isə Samsung şirkəti kamera istehsalını tamamilə dayandırıbmı, yoxsa istehsal olunacaq məhsullar Nikon ilə ortaq satılacaq?
