Tacikistanda sosial şəbəkələrə qoyulan qadağa götürüldü

Tacikistanda sosial şəbəkələrə və "Youtube" video portalına giriş bərpa olunub.

Unvan.az-ın verdiyi məlumata görə, bu ölkədə adıçəkilən saytlar mayın 29-dan işləmirdilər.

Ötən ayın sonundan "Facebook", "Vkontakte", "Odnoklassniki", "Youtube" video portalına və bir sıra xəbər saytlarına girişə Tacikistanın Rabitə Xidməti blok qoymuşdu. Buna səbəb isə Tacikistan OMON-unun keçmiş komandiri Gülmurod Xalimovun müraciətinin yayılması olub. Bu videoda o, Suriyada keçirilən döyüşlərdə İŞİD terror təşkilatının sıralarında döyüşdüyü haqda danışıb.

Bu gün isə internet provayderlər blok edilmiş internet resurslarına girişi bərpa edib.