Tvitterdən daha bir yenilik

Tvitter Proyekt Laytninq (Project Lightning) adlanan yeni bir xidməti istifadəyə verməyə hazırlaşır.

Unvan.az xəbər verir ki, xidmətin bu il istifadəyə verilməsi gözlənilir.

Xidmət mobil tətbiqin menyü hissəsində göstəriləcək və real məlumatlar təqdim edəcək.

Məlumatlar real insanlar tərəfindən seçiləcək. Bu məlumatlar arasında günün əhəmiyyətli xəbərləri, şəkillər və videolar olacaq. Bütün bunlar Tvitterin vahidi halına gələcək və internet üzərində bir veb saytda cəmləşdiriləcək.

Hər hansı bir hadisəyə baxdıqda yalnız bu hadisə ilə bağlı xəbərlərin göstəriləcəyi deyilir. Verilən məlumata görə, şəkillər və videolar tam ekran olaraq göstərilir və videolar avtomatik olaraq açılır.

Xidmətin istifadəyə veriləcəyi tarix hələlik tam bəlli deyil, ancaq Tvitter xidmət üzərindəki işləri bir neçə ay ərzində tamamlamağı planlaşdırır.