Facebook-da dostu düşməni tanıyacaqsınız

Twitter-da istifadə olunan Who unfollowed me (kim məni izləmədən çıxardı?) proqramının oxşarını artıq Facebook istifadəçiləri də istifadə edəcək.

Unvan.az-ın xəbərlər.com-a istinadən verdiyi məlumata görə, Who deleted me on Facebook (Facebookda dostluqdan məni kim sildi?) proqramının adından da məlum olduğu kimi dost olduğunuz profilin sizi dost siyahısından çıxarması ilə bağlı bildiriş alacaqsınız.

Həm Android, həm də İOS əməliyyat sistemləri üçün istifadəyə təqdim olunan proqram, yüklədiyiniz andan etibarən məlumat verəcək. Yəni proqramı yükləməmişdən əvvəl sizi dostluq siyahısından çıxaranları görə bilməyəcəksiniz. Proqram bu funksiyadan başqa profillərini əngəllədiyiniz və yeni əlavə etdiyiniz dostlar haqqında məlumat da əldə edəcəksiniz.