Smartfonun sınmış ekranı öz-özünə bərpa olunacaq
Böyük britaniyalı kimyaçılar zaman keçdikcə bərpa olunmaq qabiliyyətinə malik yeni material ixtira ediblər. İlk öncə təyyarənin qanadlarının təmiri üçün hazırlanmış innovativ texnologiya istənilən səthin bərpasına imkan verəcək.
Unvan.az-ın verdiyi məlumata görə özünü bərpa edən səth karbon maddə əsaslı milyonlarla mikroskopik sahələrdən ibarəttdir. Mikrosahələrdə çatlar (məsələn, mobil qurğuların asfalta düşməsi nəticəsində) əmələ gələn zaman yeni yaranan boşluğu dolduracaq xüsusi maye ifraz olunur. Bundan sonra baş verən kimyəvi reaksiya nəticəsində "yaraya" tökülən mayenin quruma və bərkiməsi ilə polimerləşmə prosesi yaranır.
Yeni texnologiyanı Dunkan Vassın rəhbərliyi altında Bristol Universitetində çalışan tədqiqatçılar hazırlayıb. Alim bildirib ki, onun komandası insan dərisinin zədəni sağaltmaq qabiliyyətindən ilhamlanıb.
Qeyd edək ki, elektronika istehsalçıları artıq bir neçə ildir özü bərpa olunan materiallar üzərində təcrübə aparırlar.
