Samsung-un yeni modelləri təqdim olundu - FOTO - VİDEO
Xüsusilə son bir il ərzində "phablet" bazarında Apple ilə rəqabətə girən Cənubi Koreyanın Samsung şirkəti yeni Galaxy Note 5 və S6 Edge+ modellerini təqdim edib.
Unvan.az-ın məlumatına görə, Təqdimat ABŞ-ın Nyu-York şəhərində təşkil olunmuş Samsung Unpacked adlı tədbirdə baş tutub.
GALAXY NOTE 5-in XÜSUSİYYƏTLƏRİ
Kabelsiz emerji toplaya bilən Galaxy Note 5 modeli, 8 nüvəli (2.1 GHz quad ve 1.5GHz quad) prosessora malikdir. Android 5.1 Lollipop əməliyyat sistemi ilə çalışan ağıllı cihaz, 4 GB-lıq RAM-a malikdir. 32GB, 64GB və 128GB sabit yaddaş variantlarında olan Galaxy Note 5, qara, ağ, qızılı və gümüşü rəng variantları ilə təklif olunacaq.
S6 EDGE+IN XÜSUSİYYƏTLƏRİ
154.4 x 75.8 x 6.9 mm ölçüsündə (5.7 düym) olan S6 Edge+, 2560 x 1440, yəni Quad HD görüntüsünü verir. 3.000 mAh yeri olan batareyaya malik ağıllı cihaz, 4 GB-lıq RAM-a malikdir. S6 Edge+ də, eynilə Note 5-də olduğu kimi 16 MP-lik f/1,9 diafraqma malik bir kamera var.
Samsung Note 5 və Samsung Galaxy S6 Edge Plus Avqustun 21-də satışa çıxarılacaq. Smartfonların qiyməti 815 dollardan başlayacaq.
Təqdimatın sonunda Samsung-un nümayəndələri təfərrüatı olmadan S2 Gear adlı yeni ağıllı saatı da nümayiş etdiriblər. Saatın sentyabrın 3-də Berlində keçiriləcək IFA sərgisində təqdim olunması nəzərdə tutulur.
