Yeni Apple TV gəlir
"Wall Street Journal"ın keçirdiyi canlı konfransda iştirak etmiş Apple-ın İcraçı Direktoru Tim Kuk "Gələcəyin TV-sinin kəşfi" olaraq adlandırdığı yeni Apple TV-lərin gələn həftə rəflərdəki yerini alacağını açıqlayıb.
32 GBL-ıq model 149 dollara, 64 GBL-ıq versiya isə 199 dollara satışa veriləcək.
Apple, Yeni Apple TV-lər üçün ön sifarişləri 26 Oktyabr Bazar ertəsidən etibarən qəbul etməyə başlayacaq.
Apple TV-nin gətirdiyi yeniliklərdən də bəhs edən Tim Kuk, yeni platforma sayəsində HBO kimi kabel operatorlarının birbaşa olaraq müştəriylə əlaqə quracağını bildirib. Yeni Apple TV-də "Siri" dəstəyi diqqət çəkən ən əhəmiyyətli xüsusiyyətdir. Digər bir mühüm yenilik isə Apple TV-nin pultudur. Şirkətin ağıllı assistenti "Siri" inteqrasiyasına malik olan məhsulda oyunlar ön plandadır. Apple TV-nin pultunda touchpad var.
Apple TV, "İtunes", "Netflix", "Hulu", HBO, "Showtime"da "Siri" ilə axtarış edə bilir. Bundan əlavə Apple TV-nin pultunda "Siri" düyməsi yer alır.
Apple TV-də istifadəçilər səs əmrləri verərək onlayn Apple mağazasında ətraflı axtarış apara biləcəklər. Başqa sözlə, istifadəçi səsli əmrləri ilə proqramları Apple TV üzərindən işlədə biləcəklər.
"Siri" ilə TV ekranında "O rejissorun ən yeni filmini gətir" əmrini verdikdə "Siri" tapıb gətirir. İzlədiyiniz filmdə bir səhnəni qaçırmanız halında, "Son dəfə nə dedi?" -deyə səsli əmrlə soruşmağınız yetər. "Siri" səhnəyə avtomatik olaraq keçid edir.
