Porsche ilk elektrikli avtomobilinin istehsalına başlayır

Sentyabr ayında təşkil olunmuş "Frankfurt Motor Show" çərçivəsində təqdim olunmuş elektrikli avtomobil "Mission E" ziyarətçilər tərəfindən böyük maraqla qarşılanmışdı.

Technews.az "Porsche"-nin verdiyi açıqlamaya istinadən bildirir ki, şirkət "Mission E"-nin kütləvi istehsalına başlayacaq. "Porsche" Stuttgart-Zuffenhausen-dəki zavodunu yeni modelin istehsalına hazır hala gətirməyə başlayıb və bu iş üçün 700 milyon avro investisiya edib.
Xatırladaq ki, "Mission E" 600 at gücünə sahibdir və 100km/saat sürətə 3.5 saniyədə çatır. Tam enerji dolumu ilə 500 kilometrdən çox yol gedə bilir. Maraqlısı odur ki, avtomobilin batareyasının 80%-i 15 dəqiqə ərzində dolur.