Ən sürətli mobil prosessorlar açıqlandı

Smartfon satın alarkən alıcıların seçiminə təsir edən ən böyük ünsürlərdən biri "Benchmark" testləridir. Bu testi həyata keçirən tətbiqlərdən "AnTuTu" özünün 6-cı versiyası şərəfinə 2015-ci ilin ən sürətli prosessorları siyahısını hazırlayıb.

Unvan.az Technews.az-a istinadən bildirir ki, "iPhone 6S" və "iPhone 6S Plus" flaqmanlarında istifadə olunmuş "Apple A9" prosessoru 123,567 bal toplayaraq birinci yerdə qərarlaşıb.

Siyahının ikinci yerini də "Apple" şirkətinə məxsus "Apple A8X" prosessoru tutub. "iPad Air 2" modelində istifadə olunmuş prosessor 98,901 bal toplamağı bacarıb. "Apple"-ın prosessorlarını "Huawei Kirin 950" 92,746 balla, "Exynos 7420" 86,652 balla və "Snapdragon 810" 81,049 balla izləyiblər.