"Ağıllı ayaqqabı" işıq üzünə çıxdı

ABŞ-ın Las-Veqas şəhərində keçirilən CES 2016–da maraqlı avadanıqlar təqdim edilib. Onlardan biri də "ağıllı ayaqqabı"dır.

BiG.AZ Milli.Az-a istinadən xəbər verir ki, ayaqqabı qış fəslində ayaqları isidir.

"Smartshoes" adlanan ayaqqabı içərisində yerləşdirilmiş sensor sayəsində atdığınız addımların sayını, gün ərzində itirdiyiniz kalorini hesablayır. Ağıllı ayaqqabının "bluetooth"u da var.

Ayaqqabının ön hissəsində kiçik işıqdiodlu fənər yerləşdirilib ki, bu da qaranlıqda yolu görməyə imkan verir. "Smartshoes" modeli enerji ilə naqilsiz stansiyadan təchiz olunur və bir neçə günə kimi işləyə bilir.

Qeyd edək ki, "smartshoes" 2016-cı ilin payızında satışa çıxarılacaq. Ayaqqabı üçün qiymət 450 dollar nəzərdə tutulub.