"WhatsApp"da necə gizlənmək olar? - QAYDASI

"WhatsApp"a gələn mesajların qarşı tərəf bilmədən oxumağın qaydası açıqlanıb.

"WhatsApp"a gələn mesajları oxuduğunuz zaman təsdiq işarəsi olan qoşa mavi xətt işarəsi yaranır. Çoxları bundan narahat olaraq özlərində yazılan mesaja cavab vermək məcburiyyətində qalır.

Unvan.az BAKU.WS-ə istinadən bundan xilas edən qaydanı təqdim edir:

Bunun qarşısını almaq üçün qızıl qaydalardan biri mobil telefonlarda mövcud olan "uçuş rejimidir". Gələn mesajları oxumazdan öncə bu rejimə keçsəniz mesajları oxuduğunuz anlaşılmayacaq. Yeni bir proqram "WhatsApp widget" istifadəyə verilib. Bunun sayəsində gələn mesajları qarşı tərəf bilmədən oxuya bilərsiniz. Bu zaman mesajları oxuduğunuz barədə qarşı tərəfə heç bir məlumat ötürülməyəcək. Telefonun ekranında bu proqram sayəsində mesajlar birbaşa açılacaq.

"WhatsApp"ın parametrlərindən faydalanaraq oxundu funksiyasını bağlamaq olar. Bunun üçün Hesab>Gizlilik bölmələrinə daxil olaraq oxundu təsdiq məlumatını bağlaya bilərsiniz.