Yarım milyon dəyəri olan 600 avtomobildən biri də qalmadı - FOTO
İtaliyanın bahalı idman avtomobili istehsalçısı "Lamborghini" bütün "Aventador LP750-4 SV" avtomobillərinin satıldığını açıqlayıb.
Unvan.az-ın məlumatına görə, Cenevrə beynəlxalq avtosərgisində dünya premyerasından 3 ay sonra 1 ədəd də olsun "Aventador LP750-4 SV" avtomobili qalmayıb.
600 ədəd istehsal edilən superkardan 200-ü Şimali və Cənubi Amerika, 200-ü Avropa, Orta Asiya və Afrika ölkələrinə satılıb. Sonuncu 200 "Aventador SV" avtomobili isə Asiya ölkələrindən özünə alıcı tapıb. Avropada 327190 avroya satılan avtomobil Amerika bazarında 493069 dollara satılıb. "LP 700-4" versiyasından 50 at gücü üstün olan "Aventador LP750-4 SV", 50 kiloqram daha yüngüldür. 100 Saat/km sürəti 2,8 saniyədə yığan superkarın maksimum sürəti 350 km/saat-dır. /Fins.az
