"Ağıllı" bikini satışa çıxarıldı - Yenilik
Fransanın "Spinali Design" firması öz sahibəsini günəş şüalarından qoruyan "ağıllı" bikini hazırlayıb.
Unvan.az-ın xarici mətbuata istinadən verdiyi məlumata görə, bikinidə su keçirməyən ultrabənövşəyi şüa vericisi (datçik) quraşdırılıb. O, havanın hərarətini ölçür və bunu bikini sahibəsi ilə bağlı informasiyalarla (məsələn, dərisinin xüsusiyyəti) tutuşdurur. Bundan sonra bikini günəş kremi sürtmək lazım olub-olmadığına dair həmin şəxsin smartfonuna informasiya göndərir. Bunun üçün smartfona xüsusi əlavə yüklənir.
Yeni məhsul may ayında hazırlanıb və bu həftə satışa çıxarılıb. Qiyməti 149 avrodur. "Spinali Design"ın yaradıcısı Mari Spinali bu ideyanın onun ağlına necə gəldiyini açıqlayıb. O bildirib ki, çimərlikdə bir qızın dərisini günəş şüalarının yandırdığını gördükdən sonra bu cür çimərlik paltarı yaratmaq qərarına gəlib.
