Azərbaycanda yarı qiymətinə maşın satılacaq
Oktyabrın 20-dƏ Əmlak Məsələləri Dövlət Komitəsi (ƏMDK) yanında Hərracların Təşkili üzrə Auksion Mərkəzində (HTAM) avtomobil hərracı keçiriləcək.
Unvan.az-ın ƏMDK-ya istinadən yaydığı məlumata görə, hərraca 2 avtomobil çıxarılacaq.
Bunlardan biri 1998-ci ilin istehsalı olan "NİSSAN MAXİMA" markalı minik avtomobil olacaq. Maşın 5-ci dəfə, 50% endirimlə hərraca çıxarılacaq və start qiyməti 950 manat olacaq. Digər avtomobil isə 1996-cı ildə buraxılmış "Hyundai H 100-12" olacaq. 4-cü dəfə, 25% endirimlə hərraca çıxarılan maşının star qiyməti 1464 manat müəyyən edilib.
Hərracda iştirak etmək istəyənlər əldə etmək istədikləri avtomobilin start qiymətinin 10%-i qədər, Azərbaycan Mərkəzi Bankındakı AZ65NABZ01361150000000004944 nömrəli hesaba beh ödəməlidir. Daha sonra ödəniş qəbzini şəxsiyyət vəsiqəsi ilə birlikdə oktyabrın 17-nə qədər hərrac komissiyasına təqdim etmək lazımdır. HTAM Bakı şəhəri, Nərimanov rayonu, Zeynal Xəlil küçəsi, 11a ünvanında yerləşir.
