Mobil operatorlar bu il nə qədər gəlir əldə edib?

İnformasiya və rabitə xidmətlərinin dəyəri real ifadədə 11,1% artıb.

Bu ilin yanvar-may ayları ərzində Azərbaycanda informasiya və rabitə müəssisələri 644,4 milyon manatlıq xidmət göstərib ki, onun da 71,9%-i əhali tərəfindən istehlak olunub.

Unvan.az Xeberler.az-a istinadən bildirir ki, bu barədə Dövlət Statistika Komitəsindən (DSK) bildirilib.

2015-ci ilin eyni dövrü ilə müqayisədə informasiya və rabitə xidmətlərinin dəyəri real ifadədə 11,1% artıb, bu sahədə əldə edilmiş gəlirin 81,1%-i qeyri-dövlət sektorunun payına düşüb.

Xidmətlərdən əldə edilən gəlirin 50,1%-i və ya 323,1 milyon manatı mobil telefon rabitəsi sahəsində formalaşıb.