Akkumulyator

Akkumulyator elektrik enerjisini toplayan və lazım olduqda həmin enerjini yenidən istifadə etməyə imkan verən cihazdır. Avtomobillərdə akkumulyator mühərrikin işə salınmasından tutmuş işıqlandırma və elektron sistemlərin işləməsinə qədər bir çox funksiyanı yerinə yetirir. Akkumulyator olmasa avtomobilin start sistemi işləməz və elektron sistemlər aktiv olmaz. Buna görə də bu qurğu avtomobilin əsas komponentlərindən biri hesab olunur.
Bu məqalədə akkumulyatorun nə olduğu, hansı növlərinin mövcud olduğu və unvan.az saytında akkumulyator qiymətləri haqqında məlumat əldə edəcəksiniz.

Akkumulyator növləri

Ən geniş istifadə olunan klassik akkumulyator növüdür. Sadə quruluşu və münasib qiyməti səbəbindən çox sayda sürücü bu modeli seçir. Normal istifadə zamanı stabildir və servis tapmaq da asandır. Lakin uzun müddət boş qalanda tez zəifləyə bilər. Bosch, Mutlu, Varta, Topla və Rocket kimi markaların bu tip modelləri bazarda çox istifadə olunur. Gel texnologiyalı akkumulyatorlar daha stabil işləyən modellər sayılır. İçərisində maye deyil, gel elektrolit istifadə olunur və bu səbəbdən sızma problemi demək olar ki olmur. Bu kateqoriyada Varta, Exide və Banner markalarının modelləri daha çox seçilir.
AGM texnologiyası daha güclü elektrik sistemi olan avtomobillər üçün hazırlanıb. Start stop sistemi olan maşınlarda və çox elektron avadanlıq olan avtomobillərdə adi akkumulyator tez sıradan çıxa bilər. Bosch, Varta, Exide və Yuasa bu texnologiyada ən çox tanınan markalardandır. Litium ion akkumulyatorlar daha yüngül və yüksək enerji tutumuna malikdir. Elektrikli avtomobillərdə və bəzi müasir texnikalarda istifadə olunur. Adi avtomobillərdə isə nadir hallarda istifadə edilir. Panasonic, LG və Samsung kimi istehsalçılar bu sahədə ən çox tanınan markalar hesab olunur.

Akkumulyator qiyməti

Unvan.az saytında müxtəlif marka və tutuma malik akkumulyator modelləri yer almaqdadır. 45 amper akkumulyatorların qiyməti 85-110 AZN aralığında olur. 55 amper akkumulyatorlar adətən 95-130 AZN civarında satılır. 60 amper gücündə olan modellərin qiyməti təxminən 110-150 AZN arasında dəyişir. Daha güclü sayılan 75 amper akkumulyatorlar 140-190 AZN aralığında olur. 90 amper akkumulyatorların qiyməti 170-230 AZN, 100 amper modellərin qiyməti isə adətən 200-280 AZN civarında dəyişir.
Premium markalara aid modellərdə qiymətlər daha yüksək olur. Bosch və Varta markasının 60 amper akkumulyatorları 150-190 AZN aralığında olur. AGM texnologiyalı daha güclü modellərin qiyməti isə 250-420 AZN civarında dəyişə bilər.

Akkumulyator alarkən edilən səhvlər

Ucuz model seçmək ilk baxışda sərfəli görünə bilər, amma keyfiyyətsiz akkumulyator tez boşalır və qısa müddətdə yenisini almağa məcbur edir. Bu isə son nəticədə daha çox xərc deməkdir. Akkumulyator seçərkən yalnız qiymətə deyil, həm də marka, tutum və start gücünə diqqət etmək lazımdır.
Digər çox rast gəlinən səhv avtomobilə uyğun olmayan tutumda akkumulyator seçməkdir. Məsələn, mühərriki böyük olan avtomobilə zəif gücdə akkumulyator qoyulduqda mühərrikin işə düşməsi çətinləşə bilər. Bəzən isə əksinə, ölçü baxımından uyğun olmayan akkumulyator alınır və yerinə düzgün yerləşmir. Bu kimi səhvlər avtomobilin elektrik sistemində problemlər yarada və akkumulyatorun ömrünü qısalda bilər.