Audio ve Video

Audio Video texnikası səs və görüntü ilə işləyən cihazlardır. Mikrofon, kamera, televizor, monitor, projektor, dinamik, qulaqcıq kimi qurğular bu anlayışın içində yer alır. Texnikanın əsas funksiyası ünsiyyəti asanlaşdırmaqdır. Sən danışanda səsin qarşı tərəfə çatsın, nəyəsə baxanda başqası da onu görə bilsin. Audio səsdir. Danışıq, musiqi, küləyin səsi, quşların cəh-cəhi hamısı bu anlayışa daxildir. Video isə görüntü ilə bağlıdır. Yəni gördüyümüz hər şey.
Səs əvvəlcə mikrofon tərəfindən tutulur, elektrik siqnalına çevrilir, sonra ötürülür. Dinamik vasitəsilə yenidən səs kimi bizə qayıdır. Görüntü də eyni prinsiplə işləyir. Kamera işığı qəbul edir, onu siqnala çevirir. Ekran isə həmin siqnalı görüntü şəklində göstərir. Səs və görüntü siqnalları kabel vasitəsilə və ya simsiz şəkildə ötürülə bilər. HDMI, USB, Bluetooth, Wi-Fi kimi anlayışlar məhz bu ötürmənin yollarıdır.

Audio-video texnika növləri

Audio-video texnikaların ev üçün nəzərdə tutulanlar, professional sahədə işlədilənlər və avtomobilə uyğun qurulan sistemlər kimi növləri mövcuddur. Ev üçün hazırlanan audio- video texnikalarına televizorlar, soundbarlar, ev kinoteatrı sistemləri və qulaqcıqlar daxildir. Artıq bir çox ailə yalnız televizor istəmir. Otağın ölçüsünə uyğun səs sistemi qurur, akustikaya fikir verir. Konsertlərdə, konfranslarda, televiziya studiyalarında və böyük tədbirlərdə istifadə olunan texnika professional sistemlərdir. Əsas məsələ təkcə güclü səs deyil, həm də təmiz və balanslı səs əldə etməkdir. Görüntü isə uzaqdan da aydın olmalıdır.
Yol gedərkən musiqi dinləmək, xəritəyə baxmaq, lazım olduqda kamera görüntüsünü izləmək bir sistemin içində birləşir Kiçik bir texniki problem belə bütün tədbirin axarını poza bilər. Səs geciksə, mikrofon cızıltı versə və ya ekran donsa, tamaşaçı bunu dərhal hiss edir. Ona görə professional audio-video texnikaları daha mürəkkəb quruluşdadır. Ekranlı multimedia sistemləri, arxa görüntü kameraları, naviqasiya ilə inteqrasiya olunan audio -video qurğuları avtomobilin bir hissəsinə çevrilib.

Audio-Video texnikalarının qiyməti

Unvan.Az saytında audio-video texnikalarında qiymət anlayışı tək bir xətt üzrə getmir. Sadə bir qulaqcığı hər büdcəyə uyğun tapmaq olar. Professional səsgücləndirici və ya studiya üçün nəzərdə tutulmuş avadanlıq kifayət qədər ciddi məbləğ tələb edir. Burada markanın tanınmışlığı, istifadə olunan materialın keyfiyyəti və cihazın nəyə xidmət etdiyi əhəmiyyətlidir. Əgər bir marka illərdir bazardadırsa və insanlar ona güvənirsə, bu, qiymətə də yansıyır. Məsələn, metal korpuslu və keramika əsaslı daxili komponentlərdən istifadə olunan səsgücləndiricilər istiliyə və mexaniki zədələrə daha davamlı olur.
Ən bahalısını almaq belə alıcını qane etmir. Araşdırmalara görə, orta səviyyəli səs sistemlərinin gündəlik istifadə üçün bahalı professional modellərlə müqayisədə səs keyfiyyətinə görə fərqin çox vaxt insan qulağı ilə aydın seçilmədiyi müşahidə olunub.

Audio Video texnika alarkən nələrə diqqət etmək lazımdır ?

Texnikanı alarkən ehtiyaclarınızı müəyyən edin. Böyük bir zal üçün nəzərdə tutulmuş güclü sistem kiçik otaqda narahatlıqlara səbəb olur. Balaca otaq üçün seçilən sadə qurğu geniş məkanda səsini itirə, təsirini göstərə bilməz. Ona görə seçimə başlamazdan əvvəl bir az dayanıb düşünmək lazımdır. Yalnız görünüşə və qiymətə aldanmayın.
Ekranın aydınlığı, rənglərin təbii görünməsi və görüntünün axıcılığı vacib olur. Musiqi dinləmək üçün alınan sistemdə isə səs daha əhəmiyyətlidir. Təhlükəsizlik məqsədilə alınan texnikalarda Kamera görüntüsünün aydın olması, gecə çəkilişinin keyfiyyəti və məlumatın etibarlı şəkildə yaddaşa yazılması əsas şərtlərdəndir. Yəni eyni texnika hər məqsədə uyğun ola bilməz.
İstənilən audio-video texnika qurğularının texniki baxıma ehtiyacı olur. Heç bir cihaz problemsiz işləyə bilməz. Zəmanətin olması insanı daha rahat edir. Hər hansı problem yarananda tək qalmadığını bilirsən. Texniki dəstək isə uzunmüddətli istifadənin əsas hissəsidir. Cihazın dili dəyişəndə, proqramı yenilənəndə və ya sadəcə nəsə başa düşməyəndə müraciət edəcək yerinin olması istifadəçiyə üstünlük verir.