BlackBerry

BlackBerry Kanada mənşəli şirkət tərəfindən yaradılıb və biznes istifadəçilərinə yönəlib. E-poçt sistemlərinin mobil telefona inteqrasiyası ilə qısa zamanda populyarlıq qazandı. Bu telefonları fərqli edən əsas amil fiziki klaviatura, yüksək təhlükəsizlik və sürətli yazışma imkanıdır. Digər telefonlar əyləncə yönümlü olsa da, BlackBerry daha çox iş üçün nəzərdə tutulmuşdu.
Bu yazıda həm BlackBerry telefonlarının ən məşhur modelləri, həm də unvan.az saytında satış və qiymətlərini araşdıracağıq.

BlackBerry telefonlarının əsas üstünlükləri

Sensor klaviaturada səhv yazmaq normaldır, amma BlackBerry-də bu problem demək olar olmur. Mesaj yazan, mail göndərən adam üçün bu böyük üstünlükdür. Çünki sürət və dəqiqlik birbaşa hiss olunur. Bir çox istifadəçi şəxsi məlumatlarının təhlükəsiz qalmasını istəyir. BlackBerry burada daha etibarlıdır və ş üçün telefon axtaranlar hələ də bu modellərə üstünlük verir. Telefon gün ərzində işləməlidir, səni yarı yolda qoymamalıdır. BlackBerry sadə sistemə görə daha az enerji sərf edir və donma, ilişmə kimi problemlər çox nadir hallarda olur.

Ən məşhur BlackBerry telefon modelləri

BlackBerry Bold seriyasını istəyənlər adətən sürətli yazışma və premium hissiyat axtarır. Klaviaturası çox rahatdır, amma tətbiq dəstəyi məhdud ola bilər. Bunu nəzərə almaq lazımdır. Bold 9900 həm sensor, həm klaviatura istəyənlər üçün mükəmməl seçimdir. Yüngüldür, sürətli yazılır, köhnə sistem olduğuna görə bəzi proqramlar işləmir. Curve modelləri sadə istifadə üçündür. Zəng, mesaj, WhatsApp kimi əsas ehtiyacları qarşılayır. Amma yüksək performans gözləmək düzgün deyil.
Curve 8520 modeli ən çox minimal ehtiyacları qarşılayır. Sadədir, tez öyrəşilir, amma yaddaş və sürət baxımından zəifdir. BlackBerry Passport böyük ekran istəyənlər üçündür. Excel, mail və sənədlərlə işləyənlər rahat istifadə edir. Smma ölçüsü hamıya uyğun olmur. BlackBerry KeyOne və Key2 modelləri Android əsaslı telefonlardır. Yəni həm klassik klaviatura var, həm də müasir proqramlar işləyir. Qiyməti yüksəkdir.

BlackBerry telefonlarının satışı və qiyməti

Unvan.az saytında BlackBerry telefonlarının qiyməti modelinə, vəziyyətinə və nadir olub-olmamasına görə dəyişir BlackBerry Curve 8520, Bold 9700, Bold 9900 kimi klassik modellər adətən 40 AZN-dən başlayır və yaxşı vəziyyətdə olanları maksimum 120 AZN civarında olur. Daha çox istifadə olunmuş və kosmetik cızıqları olan modellər isə 30-60 AZN aralığında satılır. BlackBerry Passport modeli adətən 150 AZN-dən başlayır və vəziyyətinə görə 250 AZN-ə qədər yüksəlir. BlackBerry KeyOne və Key2 kimi Android əsaslı modellər isə daha bahadır. Qiymətləri 300 AZN-dən başlayır və 600 AZN-ə qədər çıxa bilir.

BlackBerry alarkən nələrə diqqət etmək lazımdır?

BlackBerry alarkən əsas məqsəd işlək və problem yaratmayan cihaz seçməkdir. Köhnə model olduğu üçün yoxlanılmadan alınan telefon sonradan əlavə xərc və narazılıq yarada bilər. Telefonun korpusu açılmış, yığılmış və ya dəyişdirilmiş ola bilər. Klaviaturanın bütün düymələri rahat basılmalıdır, gecikmə və ilişmə olmamalıdır.
Korpusda boşluq, ekranla çərçivə arasında açılma varsa, bu cihazın işlənmiş və müdaxilə görmüş olduğunu göstərir. Batareya tez boşalırsa, gündəlik istifadə mümkün olmayacaq. Ekranda kölgə, saralma və ya ləkə varsa, görüntü keyfiyyəti zəif olacaq. Yaddaş azdırsa, telefon çox tez dolur və istifadə zamanı donmalar yarana bilər.