Çilingər

Açar içəridə qalıbsa, kilid dönmürsə, qapı bağlanıb açılmırsa və ya seyfin mexanizmi tutulubsa, belə vəziyyətdə ən vacib məsələ işi səliqə ilə görən çilingərə müraciət etməkdir. Qapını, zamoku və ya seyfi zədələmədən açmaq hər ustanın bacardığı iş deyil. Unvan.Az saytında çilingər xidməti 7/24 fəaliyyət göstərərək problemləri operativ şəkildə həll edir.

Çilingər xidmətlərinə nələr daxildir?

Qapı açılmır, açar kiliddə ilişib qalır və ya zamok birdən işləməz hala gəlir. Belə vəziyyətlərdə qapını zorla açmağa çalışmaq çox vaxt daha böyük zərərə səbəb olur. Kilidin iç mexanizmi qırılır, qapının paneli zədələnir və problem daha da böyüyür. Çilingərlərin əsas işi bağlı qapıları minimum müdaxilə ilə açmaq, nasaz zamokları təmir etmək və lazım olduqda onları yenisi ilə dəyişməkdir. Ev qapıları, seyf qapıları, domofonlu giriş qapıları və müxtəlif kilid sistemləri üzrə yaranan problemləri qapıya zərər vermədən həll edirlər.
İstifadəçilər çox vaxt açarın içəridə qalması, zamokun dönməməsi, kilidin iç mexanizminin sınması və ya qapının kilidə görə bağlanıb açılmaması kimi problemlərlə qarşılaşır. Bu kimi hallarda qapını sındırmaq və ya özünüz açmağa çalışmaq daha böyük xərclərə səbəb ola bilər. Peşəkar çilingər müdaxiləsi ilə qapı xüsusi alətlər vasitəsilə açılır və əksər hallarda kilid də işlək vəziyyətdə saxlanılır. Kilidlərin quraşdırılması, dəyişdirilməsi və təmiri də xidmətlərimizə daxildir.

Çilingər xidməti qiymətləri

Unvan.Az saytında çilingər xidmətlərinin qiyməti görülən işin növünə və qapı zamokunda yaranan problemin vəziyyətinə görə dəyişir. Bağlı qapıların minimum zərər verməklə açılması adətən 20-40 AZN aralığında dəyişir. Zamok işləmədikdə, dönmədikdə və ya iç mexanizmində problem yarandıqda onun təmiri tələb olunur. Zamokun vəziyyətindən və qapının tipindən asılı olaraq təmir xidmətinin qiyməti təxminən 20-50 AZN aralığındadır. Açarın qırılması, əyilməsi və ya düzgün işləməməsi kimi hallarda açarın təmiri mümkündür. Açarın vəziyyətindən asılı olaraq bu xidmətin qiyməti adətən 10-25 AZN civarında olur. Seyf və təhlükəsizlik qapılarında olan zamokların açılması daha mürəkkəb proses olduğu üçün belə işlərin qiyməti adətən 40-80 AZN və ya daha yüksək ola bilər.

Çilingər ustası seçərkən nələrə diqqət etmək lazımdır?

Səhv usta seçildikdə qapı zədələnə, zamok tam sıradan çıxa və əlavə xərclər yarana bilər. Təcrübəli çilingər müxtəlif zamok sistemləri ilə işlədiyi üçün problemi daha tez müəyyən edir və uyğun həll yolu tapır. Bağlı qapıların açılması və zamokun təmiri zamanı düzgün alətlərdən istifadə etmək qapı zədələnməsinin qarşısını alır.
Zamokun dəyişdirilməsi, açar təmiri və ya bağlı qapının açılması kimi işlərdən sonra mexanizmin normal işləməsi təmin edilməlidir. İşə zəmanət verilməsi ustanın məsuliyyətli yanaşmasının göstəricisidir.