Ev Mebelləri

Mebel evin dizaynını müəyyən edən əsas elementlərdən biridir. Rənglər, materiallar və dizaynlar evin ümumi görünüşünü dəyişə bilər. Minimalist mebel sadə və modern görünüş yaradır. Klassik mebellər isə daha zəngin və ənənəvi interyer formalaşdırır. Evin interyeri ilə uyğun mebellər otağın daha geniş, səliqəli və rahat görünməsinə kömək edir. Masalar, divanlar, dolablar, yataqlar ev mebelinə daxildir.
Bu məqalədə ev mebellərinin növləri, seçim zamanı diqqət edilməli məqamlar və unvan.az saytında ev mebellərinin qiymətləri haqqında ətraflı məlumat əldə edəcəksiniz.

Ev mebelləri növləri

Qonaq otağı üçün ən çox divan, kreslo, tv stendi və komod seçilir. İnsanlar ya otağa böyük mebel alırlar və yer daralır, ya da keyfiyyətsiz material seçildiyi üçün mebel tez sıradan çıxır. İstifadə üçün həm ölçüyə uyğun, həm də saxlanma yeri olan modellər daha çox seçilir. Künc divanlar, çekmecəli tv stendləri və komodlar qonaq otağında həm rahatlıq, həm də səliqə yaradır.
Yataq otağında əsas diqqət yataq, dolab və komodinlərə verilir. Çünki bu mebellər daimi istifadə olunur və rahatlıq birbaşa onların keyfiyyətindən asılı olur. Mətbəxdə isə şkaflar, yemək masası və stullar funksionallıq baxımından önəmlidir. Düzgün planlanmayan mətbəx mebeli həm yer itirir, həm də istifadəni çətinləşdirir. Uşaq otağında isə təhlükəsizlik və praktik dizayn ön plana çıxır. Çarpayı, masa və kitab rəfləri otağın əsas hissəsini təşkil edir.

Ev mebelləri qiyməti

Unvan.az saytında qonaq otağı, yataq otağı və mətbəx üçün müxtəlif mebel modellərinə baxmaq mümkündür. Bəzi istifadəçilər hazır mebel axtarır, bəziləri isə ölçüyə uyğun hazırlanmış variantlara üstünlük verir. Sadə divan modellərinin qiyməti 250-400 AZN civarında olur. Daha böyük və keyfiyyətli künc divan modelləri isə 700-1200 AZN aralığında dəyişir. Yataq mebellərinin qiyməti adətən 350 AZN-dən başlayır və modeldən asılı olaraq 1500-2000 AZN civarına qədər yüksələ bilər. Mətbəx mebellərində isə qiymət ölçüyə görə dəyişir və 700 AZN-dən başlayaraq 3500-4000 AZN və daha yüksək ola bilər.

Ev mebeli seçərkən diqqət edilməli məqamlar

Mebelin materialı onun nə qədər müddət istifadə olunacağını birbaşa müəyyən edir. Keyfiyyətsiz materialdan hazırlanmış mebel qısa müddətdə cızılır. Qapıları boşalır və konstruksiya zəifləyir. Taxta və keyfiyyətli MDF materialdan hazırlanan mebellər adətən daha davamlı olur. Buna görə istifadəçilər mebel seçərkən materialın qalınlığına və konstruksiyanın möhkəmliyinə diqqət etməlidir. Ən çox edilən səhvlərdən biri mebelin otağa uyğun ölçüdə seçilməməsidir. Böyük divan və ya iri dolab kiçik otaqda həm görüntünü pozur, həm də hərəkəti çətinləşdirir. Buna görə mebel seçməzdən əvvəl otağın ölçüsü nəzərə alınmalı və mebel yerləşdirildikdə rahat keçid sahəsi qalmalıdır.
Mebel evin ümumi interyeri ilə uyğun olmalıdır. Fərqli üslub və rənglərin qarışığı bəzən otağın nizamsız görünməsinə səbəb olur. Sadə və uyğun rəng seçimi isə otağı daha səliqəli və geniş göstərir. İstifadəçilər mebel seçərkən otağın divar rəngi, döşəmə və digər mebellərlə uyğunluğu da nəzərə almalıdır.