Fotokamera

Fotokamera bir anı saxlamaq, bir hissi dondurmaq və zamanı bir kadrın içinə sığdırmaq üçün istifadə olunur. Ailə albomları, səyahət şəkilləri, reklam vizualları və sosial mediada gördüyümüz paylaşımlar bu alətin nə qədər geniş istifadə edildiyini açıq şəkildə göstərir.
Fotokameranın işləmə məntiqi işığın idarə olunmasına əsaslanır. Linzadan keçən işıq sensorun üzərinə düşür və rəqəmsal məlumata çevrilir. Təcrübə baxımından, insan gözü ilə eynidir. Göz işığı qəbul edib beyinə ötürür, kamera isə onu sensor vasitəsilə yaddaşa yazır. Yəni kamera əslində insan görmə sisteminin texniki modelidir.
Linza işığın istiqamətini tənzimləyən əsas hissədir. O, görüntünü fokuslayır və obyektin necə görünəcəyini müəyyən edir. Fərqli linzalar fərqli nəticə verir. Biri geniş mənzərəni bir kadrda toplamağa imkan yaradır, digəri uzaqdakı detalı yaxınlaşdırır.
Sensor kameranın mərkəz nöqtəsidir. İşıq məhz burada elektrik siqnallarına çevrilir. Sensor nə qədər güclü və keyfiyyətlidirsə, alınan görüntü də bir o qədər aydın və təmiz olur. Zəif sensor şəkli solğun və detalları itmiş şəkildə göstərə bilər.

Hansı kamera növü daha uyğundur?

Fotokameraların onlarla modeli, markası və müxtəlif xüsusiyyətləri mövcuddur. Hər markanın özünəməxsus funksiyaları olur. Hər insanın çəkiliş məqsədi fərqlidir. Kimisi səyahətdə yanında rahat daşıya biləcəyi bir kamera axtarır. Kiimisi isə studiyada işıqla və detal ilə işləyə bilən güclü sistemə ehtiyac duyur. Kompakt fotokameralar sadəliyi sevənlər üçündür. Kiçik ölçüləri sayəsində çantada demək olar ki, hiss olunmur. İstifadəsi asandır. Çox vaxt əlavə ayarlarla məşğul olmağa ehtiyac qalmır.
DSLR kameralar daha çox işə ciddi yanaşanların seçimi olur. Dəyişən obyektivlər, geniş ayar imkanları və böyük sensorlar fotoqrafa daha çox nəzarət verir. Burada artıq təkcə düyməyə basmaq yox, işığı ölçmək, bucağı düşünmək və nəticəni əvvəlcədən təsəvvür etmək lazımdır.
Mirrorless kameralar ən çox danışılan modelləridir. DSLR gücünü daha yüngül və kompakt formada təqdim edir. Güzgü mexanizmi olmadığı üçün həm səssiz işləyir, həm də daha sürətli reaksiya verir. Bu kameralar səyahət edənlər və keyfiyyətdən qorumaq istəyənlər üçün yaxşı fürsətdir. Hərəkət kameraları dağa dırmaşarkən, velosiped sürərkən, su altında və ya avtomobil üzərində çəkiliş etmək üçün istifadə olunur. Ölçüsü balaca olsa da, dözümlülüyü ilə seçilir. Toz, su və zərbəyə davamlı quruluşu onu adi kameralardan fərqləndirir.
Professional studiya kameraları daha çox reklam və moda çəkilişlərində istifadə olunur. Böyük sensorlar, güclü obyektivlər və xüsusi işıq avadanlıqları ilə birlikdə işləyir. Bu kameralar adətən sabit mühitdə, planlı çəkilişlər üçündür.

Fotokamera qiymətləri nədən asılıdır?

Unvan.Az saytında fotokameranın qiymətinə sensorun ölçüsü və keyfiyyəti, video çəkiliş imkanları, istifadə olunan materialların davamlılığı və proqram təminatının səviyyəsi qiymətə birbaşa təsir göstərir. Bəzən zahirən oxşar görünən iki kamera arasında ciddi qiymət fərqi olur. Tanınmış brendlər adətən daha stabil və etibarlı nəticə təqdim edir. Uzun illərin təcrübəsi onların məhsullarında özünü hiss etdirir. Orta səviyyəli modellər də bir çox istifadəçi üçün kifayət qədər uğurlu seçim ola bilər.
Bəzən daha sadə model gündəlik istifadə üçün məqsədəuyğun olur. Daha bahalı variant isə imkanlarının çoxunu heç vaxt istifadə etmədiyimiz bir alətə çevrilir.

Yeni başlayanlar üçün tövsiyələr

Çoxfunksiyalı və mürəkkəb parametrlərlə dolu kamera seçmək öyrənmə prosesini çətinləşdirir. İlk kamera üçün avtomatik və yarı avtomatik rejimləri olan, menyusu sadə və düymələri aydın yerləşdirilmiş model daha uyğundur. Məsələn, Auto, Portrait, Landscape və Night kimi hazır çəkiliş rejimləri olan kameralar işıq balansını, fokus məsafəsini və ekspozisiyanı istifadəçi əvəzinə avtomatik tənzimləyir. Texniki səhvlərin qarşısını alır və diqqəti kompozisiyaya yönəltməyə imkan verir.
Çəkiliş etdikcə buraxılan səhvlər açıq şəkildə görünür. Şəkil bulanıq çıxırsa, bu fokusun düzgün qurulmadığını göstərir. Çox qaranlıq və ya həddindən artıq işıqlı şəkil isə işıq ölçümünün səhv olduğunu bildirir. Bu müşahidələr istifadəçiyə praktik təcrübə qazandırır.