GPS-naviqatorlar

GPS naviqator coğrafi koordinatlara əsaslanaraq istifadəçinin real vaxtda yerini müəyyən edən və istiqamət göstərən cihazdır. Bir növ şəxsin rəqəmsal xəritəsi fünksiyasını daşıyır. Bu cihaz peyk siqnalları vasitəsilə işləyir. Sizə harada olduğunuzu, hara getdiyinizi və necə getməli olduğunuzu göstərir.
Hər gün minlərlə insan yollarda itməkdən qorxur, bəziləri isə hədəfinə ən qısa yolla çatmağın yollarını axtarır. Bu yazıda GPS naviqatorların nə olduğundan tutmuş, onları necə seçmək lazım olduğuna diqqət ayırırıq. Ən əsası da Unvan.Az saytında bu cihazların qiymət və satış imkanlarına qədər hər şeyi ətraflı izah edəcəyik.

GPS naviqatorların növləri

GPS texnologiyası artıq həyatımızın ayrılmaz hissəsinə çevrilib. İstifadə sahəsinə görə bu cihazların müxtəlif növləri mövcuddur. Təqdim olunan GPS cihazları da fərqli ehtiyaclara uyğun olaraq çeşidlənib. İstər avtomobillə, istərsə də piyada və ya açıq hava şəraitində səfər edənlər üçün uyğun modellər yer alır.

Avtomobil üçün GPS naviqatorlar

Ən geniş yayılmış GPS növü məhz avtomobillər üçün nəzərdə tutulmuş cihazlardır. Bu cihazlar sürücülərə real vaxtda yol xəritəsini təqdim edir. Marşrut planlamasını asanlaşdırır və tıcax vəziyyətinə görə alternativ yollar təklif edir. Bir çox model səsli naviqasiya, sürət məhdudiyyəti xəbərdarlıqları, kamera xəbərdarlıqları və offline xəritə funksiyaları ilə təchiz olunub. Bu növ GPS-lər uzun məsafəli sürüşlər və yeni ərazilərdə istiqamət tapmaq üçün uyğun həll yoludur.

Piyada və turistik GPS cihazları

Təbiət qoynunda hərəkət etməyi sevənlər üçün xüsusi olaraq hazırlanmış GPS modelləri yaradılıb. Dağ yürüşləri, kampinq, balıqçılıq və digər açıq hava fəaliyyətləri zamanı bu cihazlar möhtəşəmdir. Piyada və turistik GPS-lər adətən daha sərt hava şəraitinə dözümlü, suya və toza qarşı davamlıdır. Onlar ərazi xəritələrini öncədən yükləməyə və kompas, altimetr kimi əlavə funksiyalardan istifadə etməyə imkan yaradır. Bəzi modellər enerjiyə qənaətli rejimdə çalışaraq uzun müddətli səfərlər üçün mükəmməldir.

Smartfonlara inteqrasiya olunan GPS-lər

Müasir dövrdə bir çox insan naviqasiya ehtiyaclarını smartfonlar üzərindən qarşılayır. Google Maps, Waze, Sygic və digər mobil tətbiqlər GPS funksiyalarını rahatlıqla yerinə yetirir. Bu tip naviqasiya proqramları real vaxt məlumatları təqdim edirlər. Digər tərəfdən, istifadəçi təcrübəsinə əsaslanaraq daha effektiv marşrutlar təklif edir. Smartfonlara inteqrasiya olunmuş GPS-lər xüsusilə şəhər içi hərəkətlər üçün uyğun seçimdir. Əlavə cihaz daşımadan istiqamət tapmaq imkanı yaradır. İnternet bağlantısı olduqda onların funksionallığı daha da artır. Lakin bəzi tətbiqlər offline rejimdə də işləyə bilir.

Saytda GPS naviqatorların çeşidi

Unvan.Az saytında GPS naviqatorlara dair təqdim olunan məhsullar çeşid baxımından olduqca zəngindir. İstər peşəkar sürücülər, istər fərdi istifadəçilər, istərsə də açıq hava həvəskarları üçün fərqli ehtiyaclara uyğun modellər tırtib edilib. Saytda həm texniki göstəricilər, həm dizayn, həm də qiymət baxımından geniş seçim imkanı yaradılıb. Bu cihazlar yalnız istiqamət göstərmək üçün deyil, təhlükəsizlik, rahatlıq və yanacağa qənaət baxımından da vacibdir. Müxtəlif növ GPS cihazlarını müqayisə etmək və ehtiyacına uyğun ən doğru variantı seçmək mümkündür.

Brend və model seçimi

Saytda dünya üzrə tanınan bir sıra məşhur brendlərin məhsulları yer alır. Garmin, TomTom, Navitel və Xiaomi kimi markalar keyfiyyəti və dəqiqliyi ilə seçilir. Peşəkar istifadə üçün tövsiyə olunur. Bununla yanaşı, daha sərfəli və funksional modellər axtaranlar üçün Çin istehsalı olan GPS cihazları da var. Bu modellər gündəlik istifadəyə uyğun olub əsas funksiyaları problemsiz yerinə yetirir. İstifadəçi öz tələbatına, avtomobilinə və istifadə tezliyinə uyğun olaraq fərqli markalar arasında rahatlıqla seçim edə bilər.

Yeni və işlənmiş GPS cihazları

Unvan.Az saytında həm tam yeni, orijinal qablaşdırmada GPS cihazları, həm də yaxşı vəziyyətdə olan ikinci əl modellər mövcuddur. Bu, xüsusilə büdcəsi məhdud olan istifadəçilər üçün əla fürsət yaradır. İşlənmiş cihazlar funksional cəhətdən tam işlək olmaqla yanaşı, qiymət baxımından da daha münasibdir. Hər iki kateqoriya üzrə cihazlar haqqında texniki məlumat, istifadə vəziyyəti və əlaqə detalları təqdim olunur. Bu da alıcının daha məlumatlı və məqsədyönlü qərar verməsinə imkan yaradır.

Qiymət aralığı

Unvan.Az saytında əsas naviqasiya ehtiyaclarını qarşılayan, sadə interfeys və standart ekranla təchiz olunmuş GPS cihazları adətən 50-150 AZN aralığındadır. Bu modellər gündəlik sürücülük üçün kifayət edən bazar xəritələri, səslə istiqamət vermə və sadə marşrut qurma funksiyaları ilə təmin olunub. İstifadə üçün asan və münasib qiymətlidir. Bu modellər şəxsi nəqliyyatda və taksi fəaliyyəti ilə məşğul olan sürücülər tərəfindən üstünlük verilir. Daha yüksək dəqiqlik, böyük sensorlu ekran, sürətli peyk bağlantısı və əlavə funksiyalar təqdim edən GPS cihazları isə 200- 600 AZN arasındadır. Bu modellərdə adətən canlı trafik məlumatı, yol kamerası xəbərdarlığı, Bluetooth və Wi-Fi dəstəyi, həmçinin offline xəritələrin daha geniş bazası var. Peşəkar sürücülər, yük daşıyanlar və uzun məsafəli səyahətlər edən şəxslərə rahatlıq və texnoloji üstünlük baxımından daha sərfəlidir.

Çatdırılma və zəmanət şərtləri

GPS naviqatorların bir çoxu zəmanətlə təklif olunur. Bu, alıcının məhsula olan etibarını artırır. Satıcıdan satıcıya şərtlər fərqli olsa da, əksər hallarda cihazlar müvafiq zəmanət sənədi ilə birgə təqdim edilir. Çatdırılma məsələsində də rahatlıq nəzərə alınıb. Bəzi satıcılar məhsulu sifariş verildiyi gün Bakıda ünvana çatdırır. Digər bölgələr üçün isə sürətli kuryer və poçt xidməti ilə çatdırılma təmin olunur. Bu imkanlar GPS naviqator alışını həm sürətli, həm də təhlükəsiz şəkildə reallaşdırmaq üçün əlverişli zəmin yaradır.

GPS naviqatorların üstünlükləri

GPS cihazları sadəcə bir xəritə deyil, eyni zamanda sürücünün yol yoldaşı, təhlükəsizlik təminatçısı və vaxt qənaəti üçün əsas vasitədir. Bu texnologiya müasir avtomobil təcrübəsini daha rahat, səmərəli və təhlükəsiz edir. GPS cihazı real vaxtda mövqeni müəyyən edir. Ən uyğun marşrutu göstərir. Hətta təcrübəli və illərin sürücüsü belə bəzi ərazilərdə çətinlik yaşaya bilər. Lakin GPS bu çətinliyi aradan qaldırır və düzgün istiqamətləniş təmin edir. Bu yeni yerlərə səyahət edənlər üçün əvəzolunmaz köməkçidir.
GPS cihazlarının ən böyük faydalarından biri də optimal marşrut planlamasıdır. Bu texnologiya tıxac, yol təmiri və digər maneələri nəzərə alaraq daha qısa və rahat yollar təklif edir. Nəticədə, yol qət etməyə sərf olunan vaxt azalır. Eyni zamanda, avtomobil daha az yanacaq sərf edir. Bu həm cibə qənaət, həm də ətraf mühitə daha az zərər deməkdir. Bütün bunlar, uzun səfərlərdə bu üstünlük özünü daha aydın şəkildə göstərir.
GPS cihazları yalnız istiqamət göstərmir. Əlavə olaraq, təhlükəsizliyi də təmin edir. Qəzaların tez-tez baş verdiyi yerlər, sürət kameraları və təhlükəli döngələr barədə əvvəlcədən xəbərdarlıq alırsan. Gecə vaxtı və ya hava şəraiti pis olan hallarda daha etibarlı yollar təklif olunur. Bəzi GPS modelləri yolun vəziyyətinə görə alternativ marşrutlar da təqdim edir. Bu da sürücünün riskləri minimuma endirməsinə kömək edir. Planlı və məlumatlı şəkildə hərəkət etmək təhlükəsiz və stresssiz sürüş təcrübəsi yaradır.