HTC

HTC 1997-ci ildə fəaliyyətə başlayıb. İlk dövrlərdə başqa şirkətlər üçün telefon və texnologiyalar hazırlayırdı. Daha sonra isə öz adı ilə telefon istehsal etməyə başladı və qısa müddətdə tanınmağa nail oldu. HTC Android sistemini ilk istifadə edən markalardan biri olub. Bu addım şirkəti texnologiya sahəsində önə çıxardı. Bir çox yeniliklər əvvəlcə HTC telefonlarında tətbiq olunub və sonradan digər markalar tərəfindən istifadə edilib.
Bu məqalədə HTC telefonlarının ən məşhur modelləri, unvan.az saytında qiymət aralığı, əsas xüsusiyyətləri və seçim edərkən diqqət edilməli vacib məqamlar diqqətə çatdıralacaq.

HTC telefonlarının əsas xüsusiyyətləri

HTC telefonları əldə ucuz plastik hissi vermir. Metal və şüşə material istifadə olunduğu üçün cihaz tez köhnəlmiş kimi görünmür. Ən çox üstünlük verilən tərəfi isə odur ki, korpus möhkəm olur. Xırda zərbələrə qarşı daha davamlıdır. Bu telefonlar adi istifadə üçün kifayət qədər stabildir. Sosial şəbəkələr, zənglər, video izləmə kimi işlərdə donma az rast gəlinir. Amma çox ağır oyunlar üçün bütün modellər uyğun olmur. Bunu seçim edəndə nəzərə almaq lazımdır.
HTC kamerası daha çox real görüntü verir, süni rənglər çox şişirdilmir. Az işıqda çəkiliş digərlərinə nisbətən daha yaxşı nəticə verir. Amma yeni modellərlə müqayisədə kamera möcüzə gözləmək düzgün deyil. Batareya mövzusunda əsas üstünlük stabil işləməsidir. Telefon boş yerə enerji sərf etmir. Amma köhnə modellərdə batareya tez zəifləyə bilir, buna görə alarkən mütləq yoxlanmalıdır.

Ən məşhur HTC telefon modelləri

HTC One seriyası daha çox keyfiyyət axtaran istifadəçilər üçün uyğundur. Metal korpus sayəsində telefon tez köhnəlmir, əlində ucuz hiss yaratmır. HTC One M7 əsasən səs keyfiyyətinə görə seçilir. Video izləyən və musiqi dinləyənlər üçün rahat seçimdir. Ən çox rast gəlinən problem batareyanın zəifləməsidir, alarkən mütləq yoxlanmalıdır. HTC One M8 modeli M7 ilə müqayisədə daha sürətlidir və daimi istifadəni daha rahat qarşılayır. Əlinə oturuşu yaxşıdır. Kamera performansı yüksək gözlənti üçün deyil, sadə istifadə üçündür.
HTC U seriyası aha çox fərqli funksiyalar istəyənlər üçündür. Dizayn şüşə üzərində qurulduğu üçün cızıqlara qarşı diqqətli istifadə tələb edir. HTC U11 modelində əl ilə sıxaraq idarəetmə funksiyası gündəlik istifadəni sürətləndirir. Amma ən çox şikayət olunan məsələ batareya və arxa qapağın tez iz göstərməsidir. HTC U12+ performans baxımından daha güclüdür və ağır tətbiqləri rahat açır. Sensor düymələrə alışmaq bir az vaxt aparır, amma öyrəşəndən sonra rahat istifadə olunur.

HTC telefonlarının qiymət və satışı

Unvan.az saytında HTC Desire 526 və HTC Desire 620 modelləri 90 AZN - 130 AZN aralığında olur. HTC One M7 isə vəziyyətindən asılı olaraq 120 AZN - 160 AZN arasında dəyişir. HTC One M8 modeli əsasən 180 AZN - 230 AZN aralığında satılır. HTC One M9 isə daha yaxşı performans verdiyi üçün 220 AZN - 280 AZN civarında olur. HTC U Play modeli isə 250 AZN - 320 AZN aralığında tapılır. HTC U11 modeli adətən 350 AZN - 450 AZN arasında dəyişir. HTC U12+ isə daha güclü olduğu üçün 450 AZN - 600 AZN aralığında olur. Yaddaş həcmi yüksək olan variantlar bu qiymətdən bir qədər yuxarı ola bilər.

HTC telefon alarkən nələrə diqqət edilməlidir?

HTC telefon alarkən əsas məqsəd ucuz tapmaq deyil, sonradan problem çıxarmayan cihaz götürməkdir. Çünki bu telefonlar çox vaxt işlənmiş olur və diqqətsiz seçim sonradan əlavə xərc yaradır. Telefonun içi onun görünüşündən daha vacibdir. Prosessor zəifdirsə, tətbiqlər gec açılacaq, RAM azdırsa telefon tez donacaq. Minimum 3GB RAM və normal yaddaş olan modellərə üstünlük verilməlidir. Yaddaş doludursa və ya telefon ağır işləyirsə, bu artıq köhnəlmə əlamətidir.
Ən çox problem çıxaran hissə batareyadır. Telefon tez sönürsə və ya şarjı tez düşürsə, əlavə xərc qaçılmazdır. Ekranda saralma, kölgə və ya toxunma problemi varsa, bu da ciddi məsələdir. Korpus dəyişmiş telefonlar da diqqətlə yoxlanmalıdır. Çünki çox vaxt içi təmir görmüş olur.