Kompressor

Kompressor havanı sıxaraq təzyiq yaradan cihazdır və bu təzyiqli hava müxtəlif işlərdə istifadə olunur. Cihaz işləyərkən havanı içəri çəkir, onu sıxır və daha güclü formada çıxışa verir. Bu proses nəticəsində adi hava artıq güc mənbəyinə çevrilir. Kompressor əsasən hava ilə işləyən alətlərin işləməsi üçün istifadə olunur. Təkər şişirtmək, boya vurmaq, toz və çirk təmizləmək kimi işlərdə kompressor vacib rol oynayır.
Unvan.Az saytında kompressor növləri və qiymətləri haqqında ətraflı məlumat əldə edəcəksiniz.

Kompressor növləri

Ən çox rast gəlinən modellər pistonlu və vintli kompressorlardır. Pistonlu kompressorlar daha çox kiçik və orta həcmli işlər üçün seçilir. Onların quruluşu sadə olur, istifadəsi rahat başa düşülür və qiyməti də daha münasib olur. Təkər şişirtmək, hava ilə işləyən bəzi alətləri qoşmaq və kiçik emalatxana işlərində bu tip kompressorlar kifayət edir.
Vintli kompressorlar isə daha sabit işləmə qabiliyyətinə malik olur. Bu modellər uzunmüddətli və daha ağır iş yükü üçün üstün sayılır. Hava verilişi daha stabil olur. Səs səviyyəsi bəzi hallarda daha aşağı qalır və geniş istifadə üçün daha uyğun hesab edilir. Yağlı və yağsız modellər də var. Yağlı kompressorlar bəzi sahələrdə daha dayanıqlı işləyir. Yağsız modellər isə daha təmiz hava tələb olunan işlərdə seçilir.

Kompressor qiymətləri və satışı

Unvan.Az saytında sadə pistonlu, kiçik çənli modellər təxminən 150 AZN ilə 300 AZN arasında olur. Orta səviyyəli, daha güclü mühərrikə və 50-100 litr çənə malik kompressorlar əsasən 300 AZN ilə 900 AZN arasında dəyişir. Daha stabil işləyən və davamlı istifadə üçün nəzərdə tutulmuş güclü modellər 900 AZN ilə 2500 AZN aralığında olur. Vintli və yüksək performanslı peşəkar kompressorlar isə 2500 AZN ilə 7000 AZN, hətta daha yuxarı qiymət aralığında təklif olunur.

Seçim zamanı diqqət edilməli məqamlar

Kompressor seçərkən ilk baxılmalı məsələ cihazın verəcəyi hava təzyiqi və hava axınıdır. Bu göstəricilər görüləcək işə uyğun olmalıdır. Sdə şişirtmə işi ilə davamlı hava tələb edən alət arasında böyük fərq var. Ona görə əvvəlcə hansı iş üçün istifadə olunacağı dəqiq bilinməlidir. İkinci vacib məqam çənin həcmidir. Kiçik çən qısa işlərdə problem yaratmasa da, ardıcıl istifadə zamanı narahatlıq yarada bilər.
Mühərrikin keyfiyyəti də mühüm rol oynayır. Güclü görünən hər kompressor uzunömürlü olmur. Bəzən gövdə möhkəm görünür, amma daxil hissələr zəif olur. Buna görə material keyfiyyəti, yığılma səviyyəsi və ümumi sabitlik diqqətdən kənarda qalmamalıdır. Səs səviyyəsi, daşınma rahatlığı, təkərli və ya sabit olması da seçimə təsir edir. Xüsusilə yer dəyişdirərək istifadə olunacaqsa, çəkisi və rahat hərəkət etməsi önəm qazanır. Yəni seçim zamanı əsas yanaşma budur ki, kompressor işi asanlaşdırmalıdır, əlavə əziyyət yaratmamalıdır.