Kondisioner

Yay aylarında evdə və ya iş yerində rahat oturmağın əsas şərti havanın sərin olmasıdır. İnsanların çoxu kondisioner alanda yalnız qiymətinə baxır və sonra narazı qalır. Çünki seçim zamanı otağın ölçüsü, istifadə müddəti və enerji sərfi kimi vacib detalları nəzərə almır.
Ya gücü kifayət etməyən model alınır, ya da artıq imkanlara sahib olan, azımsız variant seçilir. Otağın ölçüsü, istifadə müddəti, enerji sərfi və texniki baxım ehtiyacı bir-biri ilə bağlıdır. Kiçik məkanda çox güclü cihaz işlətmək artıq xərc yaradır, böyük məkanda zəif model isə gözlənilən nəticəni vermir.

Kondisionerin əsas hissələri

Kondisioner iki hissə ilə işləyir. biri otağın içində olur, digəri isə çöldə. Bu iki hissə borularla bir-birinə qoşulur. Sistem bu əlaqə sayəsində sərinliyi və ya istiliyi otağa çatdırır. Yəni təkcə içəridə gördüyünüz hissə işi görmür, əsas yük paylaşılır. Daxili blok evin içində, divarda gördüyünüz hissədir. O, otaqdakı havanı özünə çəkir, onu daha rahat temperaturda geri üfürür. Burada ən vacib olan isə filtrdir. Filtr vaxtında təmizlənməyəndə otağa gələn hava ağırlaşır. Cihaz əvvəlki kimi rahat işləyə bilmir və sərinləmə zəifləyir.
Xarici blok binanın çöl tərəfində olur. Sərinlətmə zamanı otaqdan alınan istiliyi çölə çıxaran hissə məhz buradır. Bu blok açıq havada qaldığı üçün tez tozlanır, üzərinə yarpaq, kir, hətta bəzən quş lələyi belə yığılır. Hava keçidi zəifləyir. Cihaz daha çox işləyir, əvvəlki effekti vermir. Bu hissə çirkli qalanda həm səs arta bilər, həm də enerji sərfi yüksələ bilər. Bu iki bloku birləşdirən boruların içində freon dövr edir. Freon azalanda kondisioner sanki gücdən düşür. Otaq gec sərinləyir, cihaz uzun işləyir. Belə halda insanların çoxu temperaturu daha da aşağı salır. Problem həll olunmur

Kondisionerlərin növləri

Unvan.Az saytında fərqli ehtiyaclara uyğun kondisioner növləri var. İstifadə rahatlığı, səs səviyyəsi və uyğun olduğu məkan baxımından ciddi fərqlənirlər. Split kondisioner ən çox rast gəlinən və insanların üstünlük verdiyi modeldir. Evdə və ofisdə rahat istifadə olunur. Divara quraşdırıldığı üçün yer tutmur və səssiz işləyir. Gün ərzində uzun müddət açıq qalan məkanlar üçün daha uyğundur.
Mobil kondisioner daşına bildiyi üçün əsas üstünlüyü yer dəyişməsidir. Kirayə evdə qalanlar və ya tez-tez məkan dəyişənlər üçün rahatdır. Quraşdırma dərdi yoxdur, amma işləyərkən səsi bir az çox hiss olunur. Pəncərə tipli kondisioner Əvvəllər geniş yayılmışdı, indi isə az istifadə olunur. Bir hissəsi otaqda, bir hissəsi çöldə olur. Quraşdırılması çətindir və görünüş baxımından hər evə uyğun gəlmir.
İnverter kondisioner daha sakit işləyir və temperaturu stabil saxlayır. Uzun müddət istifadə edənlər üçün sərfəlidir. Çünki elektrik xərcini azaldır.

Kondisioner satışı və qiymətləri

Kondisioner qiymətləri təkcə markaya görə yox, onun nə qədər güclü olmasına və hansı imkanları verdiyinə görə dəyişir. Sadə modellər gündəlik ehtiyac üçün kifayət edir və daha münasib olur. Kondisionerin otağı nə qədər tez sərinlətməsi, nə qədər elektrik sərf etməsi və işləyərkən nə qədər səs çıxarması bu məsələdə rol oynayır. Üstəlik bəzi modellərdə əlavə rahatlıq yaradan funksiyalar olur. Belə imkanlar qiymətlərin qalxmasına səbəb olur.
Ən doğru seçim bahalı model almaq deyil, ehtiyacına uyğun olanı tapmaqdır. Kiçik otaq üçün həddindən artıq güclü kondisioner almaq həm artıq xərcdir, həm də elektrik pulunu boş yerə artırır.

Texniki baxım niyə vacibdir?

Kondisioner uzun müddət istifadə olunan bir cihazdır. Baxımsız qalan kondisioner otağı əvvəlki kimi sərinlətmir, üstəlik havanı təmiz yox, ağır şəkildə ötürür. Filtrlər otaqdakı havanı süzən əsas hissədir. Onlar tozla dolduqda hava rahat keçmir. Kondisioner daha çox işləməli olur. Nəticədə otağa gələn hava keyfiyyətini itirir. Ayda bir dəfə filtrin təmizlənməsi həm cihazın işini yüngülləşdirir, həm də otaqda daha rahat nəfəs almağa imkan verir.
Freon azaldıqda kondisioner zəif işləməyə başlayır. Otaq gec sərinləyir və cihaz uzun müddət açıq qalmalı olur. İnsanlar bunu çox vaxt temperaturu daha aşağı salmaqla düzəltməyə çalışır, problem aradan qalxmır. Belə hallarda əsas məsələ freonun vaxtında yoxlanmasıdır. Baxım uzun müddət təxirə salındıqda problemlər yavaş-yavaş böyüyür. Kondisioner daha çox enerji sərf edir. Ən pis halda isə əsas hissələr sıradan çıxa bilər. Bu, artıq sadə təmizləmə yox, ciddi xərc deməkdir.