LG

LG Cənubi Koreyaya məxsus böyük texnologiya şirkətidir və illərdir elektronika sahəsində fəaliyyət göstərir. Şirkət ilk olaraq məişət texnikası və elektron cihazlarla tanınıb. Daha sonra mobil telefon bazarına daxil olub. Bu brend uzun müddət G və V seriyaları ilə istifadəçilər arasında populyarlıq qazanıb. LG Wing kimi qeyri-adi modellərlə bazarda fərqlənməyə çalışıb. LG telefonları əsasən keyfiyyətli ekran, stabil işləmə və multimedia imkanları ilə tanınıb. LG mobil telefon istehsalını dayandırsa da, bu modellər hələ də istifadə olunur və bazarda satışı davam edir.
Bu məqalədə LG telefonlarının ən məşhur modelləri, unvan.az saytında qiymət aralığı və seçim zamanı nəyə diqqət etməyin vacib olduğu izah olunur.

LG telefonlarının əsas xüsusiyyətləri

LG modelləri çox vaxt sadə görünür, istifadə etdikcə fərqi hiss olunur. Korpus tez köhnəlmir, əlində sürüşkən və ucuz hiss vermir. Uzun istifadə edənlər üçün bu vacibdir. LG telefonların üstün tərəfi stabil işləməsidir. Kağız üzərində ən güclü göstəricilər olmaya bilər. Amma real istifadədə donma və gecikmə az olur. Sosial media, YouTube, gündəlik tətbiqlər problemsiz işləyir. Yəni reklamdakı rəqəmlərdən çox, real performans ön plandadır.
Bu telefonlar qarışıq deyil. Menyu sadədir, artıq funksiyalarla yüklənməyib. Telefona yeni keçən biri də tez öyrəşir. Əsas üstünlük budur ki, istifadə zamanı insanı yormur və hər şey yerli-yerindədir.

Ən məşhur LG telefon modelləri

LG Velvet əsasən rahat istifadə üçün götürülür. Əlində ağır hiss olunmur, uzun istifadə zamanı yorucu deyil. Sosial media, video izləmə və adi tətbiqlərdə donma yaratmır. Dizaynı da sadə deyil, telefona baxanda ucuz təsiri vermir. Həm görünüş, həm də iş baxımından ortanı tutan modeldir. LG Wing standart telefondan fərqlidir. Ekranın fırlanması ilk baxışda maraqlı görünür. Amma əsas üstünlük eyni anda iki işi rahat görməkdir. Məsələn, videoya baxarkən altda mesaj yazmaq olur.
LG V seriyası daha çox kamera üçün seçilir. Video çəkənlər üçün səs və görüntü sabitliyi yaxşıdır. Sadə istifadəçi üçün də uyğundur, əsas üstünlük çəkilişdədir. Kontent hazırlayanlar və keyfiyyətə fikir verənlər bu seriyanı daha çox seçir. LG G seriyası problemsiz işləyən telefon istəyənlər üçündür. Sistem stabil işləyir, tətbiqlər gec açılmır, istifadə zamanı əsəbləşdirmir.
Unvan.az saytında LG telefonlarının qiyməti modeldən, yaddaşdan və vəziyyətindən asılı olaraq dəyişir. LG K10, LG K20 və ya LG G4 kimi modelləri 150-220 AZN aralığında tapmaq olur. Daha yaxşı vəziyyətdə olanlar və yaddaşı yüksək olanlar isə 250-280 AZN civarında satılır. Orta seqment telefonlara LG G6, LG G7 ThinQ, LG V30 və LG V40 kimi modellər olur. Qiymətlər 320 AZN-dən başlayır və 650 AZN-ə qədər dəyişir. LG G6 modelini 320-400 AZN aralığında, LG G7-ni isə 400-500 AZN civarında tapmaq olur.
Premum modellər arasında LG Velvet, LG Wing və LG V50 kimi modellər yer alır. Qiymətlər əsasən 700 AZN-dən başlayır və 1200 AZN-ə qədər qalxa bilir. LG Velvet modeli 700-850 AZN aralığında olur. LG V50 modelini 800-1000 AZN civarında tapmaq mümkündür. LG Wing isə nadir model olduğu üçün qiyməti 900-1200 AZN arasında dəyişir.

LG telefon alarkən nələrə diqqət etməli?

LG telefonlarda ən çox rast gəlinən problem dəyişdirilmiş hissələrdir. Ekran sonradan dəyişilibsə, rənglər solğun görünür və toxunuş gec reaksiya verir. Korpus çox təmiz görünsə belə içi problemli ola bilər. Telefonu açıb yoxlamaq və ya ən azı IMEI-ni yoxlamaq vacibdir. Qutusu və aksesuarı varsa, bu da üstünlük sayılır. Telefonu nə üçün aldığını əvvəlcədən dəqiqləşdirmək lazımdır. Sadəcə zəng və sosial media üçündürsə köhnə model də işini görəcək.
Amma video çəkiliş, oyun və ya çoxlu tətbiq istifadə olunacaqsa, zəif model əsəbləşdirəcək. Xüsusilə RAM və batareyaya diqqət etmək lazımdır. Çünki LG modellərdə bu hissələr tez yorula bilir. Eyni LG modeli bazarda fərqli qiymətlərə olur və bu normaldır. Ucuz olan variant çox vaxt problemli olur. Baha olan isə bəzən sadəcə şişirdilmiş qiymət olur. Əsas məsələ telefonun vəziyyətinə görə qiymətinin uyğun olub-olmamasıdır.