Motorola

Motorola texnologiya sahəsində köklü tarixə malik olan və mobil rabitənin inkişafında mühüm rol oynamış brendlərdən biridir. Şirkət ilk mobil telefonun yaradılmasında iştirak edən qabaqcıl istehsalçılardan biri kimi tanınır. Bu gün Motorola daha çox sadə, stabil və istifadəsi rahat Android telefonları ilə seçilir. Brend əsasən təmiz sistem, etibarlılıq və gündəlik istifadə üçün balanslı performans təqdim etməsi ilə istifadəçilər arasında öz yerini qoruyur.
Bu məqalədə Motorola telefonlarının xüsusiyyətləri, ən məşhur modelləri və unvan.az saytında qiymət aralıqları haqqında məlumat əldə edəcəksiniz.

Motorola telefonlarının əsas xüsusiyyətləri

Motorola telefonları daha çox sadə və problemsiz işləmək istəyənlər üçün seçilir. Sistem yüklənmir, telefon ağırlaşmır, istifadə zamanı lazımsız şeylərlə qarşılaşmırsan. Motorola modelləri şişirdilmiş dizayn təqdim etmir. Əldə rahat oturur və sürüşmür. Arxa hissə tez cızılan ucuz plastik kimi hiss vermir. İstifadə zamanı həm görünüş, həm də tutuş baxımından narahatlıq yaratmır. Motorola-nın əsas fərqi sistemin təmiz olmasıdır. Lazımsız tətbiqlər yoxdur, buna görə telefon şişmir və yavaşlamır. Sadə istifadə, sosial şəbəkə və eyni anda bir neçə tətbiq açanda belə gecikmə hiss olunmur.
Ən çox şikayət olunan mövzu batareyadır və Motorola burada pis nəticə vermir. Normal istifadə ilə gün ərzində şarj problemi yaratmır. Tez-tez enerji yığmağa ehtiyac qalmır.

Ən məşhur Motorola telefon modelləri

Moto G modelləri əsasən sadə istifadə üçündür. Sosial şəbəkə, zəng, mesaj və sadə tətbiqlər üçün stabil işləyir. Donma problemi azdır, batareya isə gün ərzində rahat çatır. Çox pul xərcləmədən normal telefon istəyənlər üçün uyğun variantdır. Ən böyük üstünlük qiymətə görə verdiyi performansdır. Sadə istifadəçi üçün artıq funksiyalar yoxdur, sistem yüngüldür və istifadəsi rahatdır. Moto Edge seriyası daha sürətli və güclü telefon istəyənlər üçündür. Ağır tətbiqlər, oyunlar və eyni anda bir neçə iş görmək bu modellərdə problem yaratmır. Ekran keyfiyyəti və kamera daha yüksək səviyyədədir.
Foldable modellər üatlanan Motorola modelləridir. Telefon həm kiçik ölçüdə daşınır, həm də açıldıqda böyük ekran təqdim edir. Bu modellər daha çox rahatlıq axtaranlar üçündür. Cibdə az yer tutur, istifadə zamanı isə geniş ekran verir. Adi telefonlardan fərqli təcrübə istəyənlər üçün maraqlı seçimdir.

Motorola telefonlarının satışı və qiyməti

Unvan.az saytında Moto G seriyasında olan modellər adətən 180 AZN-dən başlayır və 350 AZN-ə qədər yüksəlir. Bu qiymətə əsas funksiyalar üçün kifayət edən telefonlar əldə etmək mümkündür. Orta səviyyəli modellər, xüsusilə daha güclü prosessor və yaxşı kamera təqdim edən variantlar 400 AZN-dən başlayır və 650 AZN civarına qədər dəyişir. Moto Edge seriyasına aid premium modellərin qiyməti isə 700 AZN-dən başlayaraq 1200 AZN və daha yuxarı səviyyəyə qədər yüksələ bilir.
Qatlanan Motorola modelləri isə ən yüksək qiymət seqmentindədir və adətən 1500 AZN-dən başlayaraq 2500 AZN və üzərinə qədər dəyişir. Bu telefonlar daha çox fərqli dizayn və texnologiya istəyənlər üçün nəzərdə tutulur.

Motorola seçərkən diqqət edilməli məqamlar

Motorola seçərkən əsas məsələ modelin sizə uyğun olub-olmamasıdır. Sadəcə görünüşə və ya qiymətə görə seçim edənlər sonradan performans, batareya və ya yaddaşla bağlı narazı qalır. Ona görə əvvəlcə telefonu nə üçün istifadə edəcəyini dəqiqləşdirmək lazımdır. İstifadə üçündürsə, sadə model kifayət edir və artıq pul verməyə ehtiyac yoxdur. Amma oyun, video montaj və ya ağır tətbiqlər istifadə ediləcəksə, zəif prosessorlu model sonradan əsəbiləşdirə bilər. Yaddaş da vacib məsələdir. Çünki az yaddaşlı telefon tez dolur və telefonun sürəti aşağı düşür.
Batareya məsələsi də diqqətdən qaçmamalıdır. Gün ərzində tez-tez şarj problemi yaşamaq istəmirsənsə, daha güclü batareyalı model seçmək lazımdır. Kamera isə çox istifadə edənlər üçün önəmli olur,. Amma sadə istifadəçi üçün bu o qədər də kritik deyil.