Santexnik ustası

Santexnik ustası kanalizasiya sistemlərinin quraşdırılmasını və təmirini həyata keçirir. Santexnik işi yüksək diqqət, texniki bilik və təcrübə tələb edən bir sahədir. İstifadə etdiyimiz kranlar, duş sistemləri, unitazlar, su qızdırıcıları və digər avadanlıqların hamısı santexnik sisteminin bir hissəsidir.
Boruların quraşdırılması, su xətlərinin təmiri, kanalizasiya problemlərinin aradan qaldırılması kimi işləri təcrübəli ustalar görməlidir. Unvan.Az saytında müxtəlif santexnik ustası xidmətləri və onların qiymətləri ilə tanış olmaq mümkündür.

Santexnik ustası xidmətləri nəyi əhatə edir?

Kran damcılayır, suyun təzyiqi zəifləyir, kanalizasiya qoxu verir, radiatorlar yaxşı qızdırmır və ya hamamda su axıntısı olur. Belə hallarda məsələni uzatmadan santexnik ustası çağırmaq lazımdır. Çünki su və kanalizasiya sistemi düzgün qurulmayanda və ya nasazlıq vaxtında aradan qaldırılmayanda problem daha da böyüyə bilər.
Santexnik ustası su xətlərinin çəkilməsi, kanalizasiya xətlərinin quraşdırılması, kombi və radiator xətlərinin çəkilməsi, isti pol sisteminin qurulması kimi işləri həyata keçirir. Hamam və tualetin yığılması, unitaz və moydadırın quraşdırılması, qarışdırıcıların bağlanması və dəyişdirilməsi, filtr və digər su avadanlıqlarının qoşulması da bu xidmətlərə daxildir.
Kranın damcılaması, divarın içində gizli su sızması və ya kanalizasiya xəttinin yavaş axması sonradan daha ciddi problem yarada bilər. Bu kimi hallarda santexnik ustası problemi yerində yoxlayır və səbəbini taparaq aradan qaldırır. Bəzən köhnə boruların dəyişdirilməsi, bəzən isə sadəcə bir detalın yenilənməsi kifayət edir. Əsas məsələ işi düzgün görmək və sistemi elə qurmaqdır ki, sonradan əlavə xərc və narahatlıq yaranmasın.

Santexnik ustası xidmətlərinin qiyməti

Unvan.Az saytında santexnik işlərinin qiyməti fərqlidir. Məsələn sadə kran dəyişdirilməsi və ya qarışdırıcının bağlanması ilə hamamın bütün santexnika sisteminin qurulması arasında böyük fərq olur. Kranın və ya qarışdırıcının dəyişdirilməsi adətən 15-25 AZN civarındadır. Moydadır və ya unitaz quraşdırılması 30-50 AZN aralığında dəyişir. Radiatorların qoşulması və ya dəyişdirilməsi təxminən 30-60 AZN arası olur. Kombi xətlərinin çəkilməsi və ya sistemin qurulması işin həcmindən asılı olaraq 80-200 AZN və daha yuxarı ola bilər. Kanalizasiya xətlərinin çəkilməsi və ya yenilənməsi isə görüləcək işin ölçüsünə görə dəyişir

Santexnik ustası seçərkən nələrə diqqət edək?

Santexnik ustası su və kanalizasiya sistemlərinin problemsiz işləməsini təmin edir. Su boruları, kranlar, kanalizasiya xətləri və sanitar avadanlıqların quraşdırılması sahəsində işləyən ustalar problemləri daha tez həll edə bilirlər. Səliqəli quraşdırma və düzgün montaj gələcəkdə su sızması və digər problemlərin qarşısını alır.
Su və kanalizasiya xətlərinin çəkilməsi, kombi və radiator sistemlərinin qoşulması, isti pol xətlərinin qurulması kimi işlər müəyyən bilik və bacarıq tələb edir. Boruların düzgün yerləşdirilməsi, bağlantıların möhkəm olması və istifadə olunan detalların keyfiyyətli seçilməsi vacibdir. Santexnik ustası problemi əvvəlcə diqqətlə yoxlamalı və səbəbini düzgün izah etməlidir. Peşəkar usta lazımsız dəyişikliklər təklif etmir və əlavə xərc yaratmadan problemi həll etməyə çalışır.