Soyuducu

Soyuducu qidanı aşağı temperaturda saxlayaraq onun xarab olmasını ləngidir. Yəni soyuducu yeməyin ömrünü uzadır. İsti yay günündə masanın üstündə qalan bir yemək bir neçə saatdan sonra dadını və qoxusunu dəyişə bilər. Eyni yeməyi soyuducuya qoyduqda isə bir neçə gün rahatlıqla qalır. Evdə soyuducu olmasa, hər gün bazara getmək məcburiyyətində qalarıq. Bişirilən yemək yalnız həmin gün üçün olar. Artanı saxlamaq mümkün olmaz.
İnsanlar artıq alış-verişi bir neçə günə planlaşdıra bilir, yeməkləri tələsmədən hazırlayır, uşaqlar üçün daha balanslı qidalar hazırlayır.

Soyuducu necə işləyir?

Soyuducunun içində xüsusi bir qaz dövr edir. Bu qaz sıxıldıqca istiliyi özünə çəkir, boşaldıqca isə həmin istiliyi çölə ötürür. Proses gün ərzində dəfələrlə təkrarlanır. Elə buna görə də soyuducu sakitcə işləyir Kompressor bu sistemin əsas hərəkətverici hissəsidir. Qazın dövran etməsi onun sayəsində mümkündür. O olmasa, soyutma prosesi də dayanır. soyuducudan gələn səs dəyişəndə insanlar dərhal narahat olur. Çünki bu, sistemdə bir problem olduğunu göstərir.
Müasir soyuducular temperaturu özləri tənzimləyir. Qapı açıldıqda içəri isti hava daxil olur və sistem bunu dərhal hiss edir. Bir neçə dəqiqə ərzində yenidən balans yaranır. Həmin sabitlik idanın uzun müddət eyni vəziyyətdə qalmasına imkan verir. Yeməyin dadı dəyişmir, tərəvəz tez solmur. Süd daha gec xarab olur.

Evimiz üçün uyğun soyuducu növü hansıdır?

Artıq müxtəlif tip soyuducular var və hər biri fərqli ehtiyaca cavab verir. İki qapılı soyuducularda yuxarı hissədə dondurucu, aşağıda isə əsas soyutma bölməsi yerləşir. Ölçüsü nə çox böyük, nə də çox kiçikdir. Həm ərzağı səliqəli yerləşdirmək olur, həm də mətbəxdə çox yer tutmur.
No Frost soyuducular soyuducularda buz problemi demək olar ki, yoxdur. İçəridə hava daim hərəkətdə olduğu üçün nəmlik yığılmır və divarlarda don əmələ gəlmir. İnsan aylarla soyuducunu söndürüb buz əriməsini gözləmək məcburiyyətində qalmır. Mini soyuducular isə kiçik məkanlar üçün məqsədəuyğundur. Tələbə evləri, ofislər və ya əlavə otaqlar üçün məsləhətlidir. Çox yer tutmur, amma əsas ehtiyacları ödəyir. Bir neçə içki, az miqdarda yemək və gündəlik istifadə üçün kifayət edir.
Side by Side modellər geniş mətbəxlər üçün nəzərdə tutulub. Qapıları yan tərəflərə açılır və içərisi böyük bölmələrdən ibarət olur. Həm dondurucu hissə genişdir, həm də soyutma bölməsi çox məhsul saxlamağa imkan verir.

Soyuducu qiymətləri və satışı

Unvan.Az saytında soyuducu qiymətlərində fərqlər görmək olar. Bir model münasib görünür, digəri isə xeyli baha olur. Qiymət təyin olunan zaman ölçü və daxili həcm məsələsi önə çıxır. Kiçik soyuducu istehsal etmək üçün daha az material və daha sadə texniki sistem kifayət edir. Ona görə mini və orta ölçülü modellər adətən daha ucuz olur. Sadə soyuducular yalnız soyutma funksiyasını yerinə yetirir. Temperaturu bir səviyyədə saxlayır və başqa əlavə imkanları olmur. Belə modellər uzun illərdir eyni prinsip üzrə istehsal edilir. Ona görə qiymət baxımından daha münasibdir.
Bahalı modellərdə isə fərqli sistemlər mövcuddur. No Frost texnologiyası, hava dövranını bərabər paylayan ventilyasiya sistemi, rütubəti tənzimləyən kameralar və avtomatik sensorlar qiyməti yüksəldən əsas səbəblərdəndir. Az enerji işlədən modellər daha qənaətcil hesab olunur. Bu cür soyuducular xüsusi izolyasiya materialları və daha keyfiyyətli motorlarla hazırlanır.

İstifadə zamanı edilən səhvlər

Soyuducudan hər gün istifadə edirik. Amma çox vaxt onunla necə davranmalı olduğumuzu düşünmürük. Yemək bişirən kimi isti qazanı birbaşa soyuducuya qoyanlar az deyil. Rahat görünür, əslində cihaza ciddi yük yaradır. İçəridəki temperatur birdən qalxır və sistem onu yenidən aşağı salmaq üçün daha çox işləməli olur.
Soyuducunu həddindən artıq doldurmaq olmaz. Rəflər ağzınacan dolanda içəridə hava sərbəst dolaşa bilmir. Soyuq hava hər yerə bərabər yayılmadığı üçün bəzi məhsullar tez xarab olur. Bəziləri isə normadan artıq donur. Qapını tez-tez və uzun müddət açıq saxlamaq, içəridə nəyin harada olduğunu bilməmək, hər dəfə axtarış etmək temperatur balansını pozur.
Soyuducunu divara sıxmaq məshələtli deyil. Arxa hissəsində hava hərəkət etməlidir ki, motor öz istiliyini rahat şəkildə ata bilsin. Soyuducunun içini vaxtaşırı silmək təkcə gigiyena üçün deyil, həm də qoxuların və rütubətin qarşısını almaq üçündür. Qapı rezinlərinin təmiz qalması bağlanmanın möhkəm olmasına zəmin yaradır.