Heç 50 minə də "Tofaş" olar? – FOTO
Prezidentin adının baş hərflərini daşıyan "06 RTE 28" nömrəli avtomobil 50 min lirəyə satışa çıxarılıb
Unvan.az-ın məlumatına görə, Türkiyənin Giresun vilayətinin avtomobil salonunda prezident Rəcəb Tayyib Ərdoğanın adının baş hərflərini daşıyan "06 RTE 28" nömrəli avtomobil 50 min lirəyə satışa çıxarılıb. Salon sahibi Bahtiyar Baker açıqlamasında 1994-cü il model "Tofaş Şahin" avtomobilinin satılmaq üçün onlara verildiyini deyib. Üç gündür salonda olan "06 RTE 28" nömrəli maşını 50 min lirədən satışa çıxardıqlarını bildirən Baker, bir çox alıcının onlarla əlaqəyə girdiklərini bildirib. Avtomobilə diqqətin çox olduğunu deyən Baker "Anadolu" agentliyinə belə söyləyib: "Xüsusilə bələdiyyə sədrləri və AK Partiya üzvləri Rəcəb Tayyib Ərdoğanın adının baş hərflərini daşıması və Giresun nömrəsinin 28 olması səbəbindən maşını almaq istəyənlər çoxdur. Bu günə qədər ən ciddi təklif 30 min lirə ilə bir bələdiyyə sədri tərəfindən edilib. Biz xüsusi nömrəli olduğu üçün 50 min lirə istəyirik. Ona görə də gələn təklifləri rədd etdik. Bu qiymətdən aşağı da satmayacağıq".
