"Volksvagen"in satışı 25 faiz aşağı düşüb

Dizel qalmaqalından sonra ABŞ-da "Volksvagen"in satışı 25 faiz aşağı düşüb.

Unvan.az Axar.az-a istinadla xəbər verir ki, noyabr ayının sonu üçün müəyyən edilən hesabatı AFP yayıb.

Xatırladaq ki, bu il sentyabrın ortalarında şirkətin Birləşmiş Ştatlarda satılan bəzi modellərinin mühərriklərində emissiya qazlarının miqdarının müəyyən edilməsi zamanı təhriflərə yol verən cihazın quraşdırıldığı aşkara çıxıb. Faktla bağlı ilkin təhqiqatlarda ciddi qanun pozuntuları müəyyən edilib. Bundan sonra şirkət rəhbərliyi həmin cihazın Almaniya da daxil olmaqla, dünyanın əksər ölkəsində satılan 11 milyon avtomobildə quraşdırıldığını etiraf edib.