Ağıllı çamadan sahibini tanıyacaq!

NUA Robotics şirkəti CES 2016 – Beynəlxalq elektronika sərgisində sahibini tanıya və onun izi ilə gedə bilən ağıllı çamadanın prototipini təqdim edib.
Unvan.az hitech.newsru.com saytına istinadən məlumat verir ki, çamadan sahibini tanıması və onun mobil qadjetlərinə qoşulması üçün kamera və Bluetooth modulla təchiz edilib. Çamadan hələ ki, təcrübədən keçirilir. Sınaqlar müvəffəqiyyətlə başa çatdırılarsa, qadjet cari ildə satışa çıxarılacaq.

"İstənilən predmet ağıllı və ya robotik ola bilər. Gündəlik həyatda istifadə üçün bu kimi predmetlərin istehsalı NUA Robotics-in missiyasıdır", – şirkət rəhbəri Aleks Libman bildirib.

Çamadanda istifadə edilən texnologiya supermarket arabalarında da tətbiq edilə bilər. Bunun sayəsində fiziki imkanları məhdud şəxslər və yaşlı insanlar daha asan alış-veriş edə biləcək.