Bu maşınların taksi kimi istifadəsinə qadağa qoyuldu

Bu maşınların taksi kimi istifadəsinə qadağa qoyulduBakıda ikiqapılı, fərdi konstruksiya əsasında hazırlanan, əlil avtonəqliyyat vasitələrinin taksi minik avtomobilləri kimi istismarına qadağa qoyulub.
Trend-in məlumatına görə, bu, "Bakı şəhərində sərnişindaşımada istifadə olunan avtobuslara və taksi minik avtomobillərinə, onların sürücülərinə, sərnişindaşıma fəaliyyətini həyata keçirən daşıyıcılara, nəqliyyat mübadilə mərkəzlərinə, avtobuslar üçün dayanacaq məntəqələrinə və taksi minik avtomobilləri üçün duracaq yerlərinə dair Tələblər"də öz əksini tapıb.
Tələblərə əsasən, Bakı şəhərinin inzibati ərazisində sərnişin daşımalarını yerinə yetirən taksilər kimi Avropa İqtisadi Komissiyasının təsnifatına uyğun olaraq, "B" və daha yuxarı sinif minik avtomobilləri istifadə oluna bilər. İkiqapılı (siyirmə qapısı olan minivenlər istisna olmaqla), fərdi konstruksiya əsasında hazırlanan, habelə əllə idarə olunan əlil avtonəqliyyat vasitələrinin taksi minik avtomobilləri kimi istismarına yol verilmir.
Taksi minik avtomobilləri ABS əyləc sistemi, salonu normal işıqlandırma sistemi, tam hava tənzimləyicisi (sərinlətmə və isitmə funksiyalı), sürücü və bütün sərnişinlər üçün təhlükəsizlik kəməri ilə təchiz edilməlidir.
Taksi minik avtomobilləri onların hərəkətini izləmək üçün nəzərdə tutulmuş və Bakı Nəqliyyat Agentliyinin müəyyən etdiyi mərkəzi sistemə inteqrasiya olunmuş Qlobal Mövqetəyinetmə Sistemi (GPS) qurğusu ilə təchiz edilməlidir.
Beynəlxalq hava limanında sərnişin daşıma xidməti üçün istifadə olunan taksi minik avtomobillərinə dair əlavə tələblər müəyyən edilib. Bu tələblərə əsasən, belə taksilər ən azı "Avro-4" ekoloji standartına uyğun, xüsusi proqram təminatı (internet üzərindən taksi sifarişi, SMS məlumatlandırma) olmalıdır. Taksi minik avtomobilində Bakı Nəqliyyat Agentliyi tərəfindən verilən eyniləşdirmə nömrəsi, onun loqosu, qısaldılmış adı və ya abreviaturası, habelə Agentliyin çağrı mərkəzinin nömrəsi olmalıdır. Hüquqi şəxslərin, habelə iki və daha artıq minik avtomobili ilə sərnişin daşımalarını həyata keçirən fiziki şəxslərin daşımalarda istifadə etdiyi taksi minik avtomobilləri sarı, ağ və ya bənövşəyi rəngdə olmalıdır. Taksi minik avtomobillərinin fərqləndirici nişanı göy-sarı və ya qara-ağ rəngdə olmalıdır. Beynəlxalq Hava Limanında xidmət üçün istifadə olunan taksi minik avtomobillərinin yanlarında "Airport taxi" fərqləndirici nişanı olmalıdır. Taksi minik avtomobillərinin oturacağında, oturacaq üzlüyündə, döşəmə xalçasında və ya digər daxili hissəsində heç bir qüsur olmamalıdır. Ön və arxa oturacaqların üzərini örtmək üçün tikilmiş örtüklərin istifadəsinə icazə verilmir.
Taksi minik avtomobilində sərnişinlər tərəfindən yaxşı görünən yerdə lövhədə "tütün çəkmək qadağandır" yazısının və ya işarəsinin olması təmin edilməlidir. Hüquqi şəxslərin, habelə iki və daha artıq minik avtomobili ilə sərnişin daşımalarını həyata keçirən fiziki şəxslərin daşımalarda istifadə etdiyi taksi minik avtomobillərində, eləcə də beynəlxalq hava limanında sərnişindaşıma xidməti üçün istifadə olunan taksi minik avtomobillərində nağdsız ödəniş üçün POSterminal olmalıdır.

Tarix: 7 Mar 2019 | Baxılıb: 905

Oxşar xəbərlər

"Kia Optima" kabrioletə çevrildi

"Kia Optima" kabrioletə çevrildi

Bir neçə gündən sonra Las-Veqasda tünerlərin növbəti bayramı "SEMA" keçiriləcək. Burada təqdim ediləcək avtomobillər daha böyük həyəcanla gözlənilir, belə ki, kupe-yolsuzluq avtomobili

Gürcüstanda avtomobillər kəskin bahalaşacaq

Gürcüstanda avtomobillər kəskin bahalaşacaq

Gələn ilin mart ayından etibarən Gürcüstanda avtomobillər orta hesabla 30 faiz bahalaşacaq. Bundan başqa, satışa çıxarılan maşınların sayı azalacaq, onların ixracı aşağı düşəcək. Unvan.az Milli.Az-a

Bakıda "Peugeot"ların satışı dayandı

Bakıda "Peugeot"ların satışı dayandı

Dolların bahalaşması avtomobil bazarına da təsirsiz ötüşməyib. Ölkəyə gətirilən yeni avtomobillərin bahalaşması, bundan əlavə gəlirlərin azalması nəticəsində müştərilərin nəğd ödəmə qabiliyyətinin

Elon Musk Tesla Y krossoverinin təqdimat tarixini elan etdi

Elon Musk Tesla Y krossoverinin təqdimat tarixini elan etdi

Elon Musk öz Twitter hesabında Tesla şirkətinin yeni elektromobil modeli olacaq Tesla Y krossoverinin təqdimat tarixini elan etdi. Tesla Y elektromobili artıq məşhurluq qazanmış Model 3-dən daha baha

Parkinqlər niyə ləğv edilir? - RƏSMİ CAVAB

Parkinqlər niyə ləğv edilir? - RƏSMİ CAVAB

Son zamanlar Bakıda artıq iki körpünün alt hissəsində qanunsuz parklanma yerləri ləğv edilib. Bunlar Ziya Bünyadov prospektinin Əhməd Rəcəbli küçəsi və Atatürk prospekti ilə kəsişmələrində yerləşən

Yeni "Porsche Macan" təqdim olundu - FOTOLAR

Yeni "Porsche Macan" təqdim olundu - FOTOLAR

Tokyo avtosalonu krossover "Macan"-ın dünya premyerası üçün meydançaya çevrildi - "Porsche" indi GTS variantını təqdim etdi. İki turbini olan 3-litrlik V6 360 a.g. və 500 Nm

1 milyona "Çayka" satılır - AZƏRBAYCANDA

1 milyona "Çayka" satılır - AZƏRBAYCANDA

Azərbaycanda 1 milyon manata "Çayka" satılır. Belə ki, Ağstafada yaşayan Valeh Abbasəliyev 1973-cü ildə istehsal edilən "Çayka" avtomobilini yenicə zavoddan çıxmış kimi qoruyub

"Volvo"-nun gələcək flaqmanı - FOTOLAR

"Volvo"-nun gələcək flaqmanı - FOTOLAR

"S80"-ın sələfi və "Volvo"-nun yaxın gələcəkdə flaqmanı olacaq avtomobilin sirri rəsmi olaraq açıldı – isveçlilər sedan "S90"-ın virtual görünüşünü təqdim ediblər. Yeni

"Hyundai"ın satışları kəskin azaldı

"Hyundai"ın satışları kəskin azaldı

Rusiya, Çin və Braziliya da daxil olmaqla, inkişafda olan ölkələrdə göstəricilərin pisləşməsi ilə əlaqədar Cənubi Koreyanın Hyundai Motor Co. avtomobil istehsalçısının satışları 2016-cı ilin