Azərbaycanda mənzillərin tikintisi bahalaşdı

2015-ci ilin II rübündə tikinti işlərində qiymətlər əvvəlki rübə nisbətən 0,8% bahalaşıb.

Unvan.az bildirir ki, bu barədə Dövlət Statistika Komitəsi (DSK) məlumat yayıb.

Komitənin məlumatına görə, rüb ərzində yerüstü tikililər bölməsində 0,8%, yol və körpü tikintisində isə 0,5% bahalaşma müşahidə edilib.

Cari ilin II rübündə yerüstü tikililərdən yaşayış evlərinin tikintisi üzrə qiymətlər 0,9%, sosial təyinatlı binaların tikintisi üzrə qiymətlər 0,8%, istehsal təyinatlı obyektlərin tikintisi üzrə qiymətlər isə 0,2% bahalaşıb.

Bundan əlavə, yaşayış evlərindən 5 mərtəbəyə qədər yaşayış evlərinin tikintisi üzrə qiymətlər 0,4%, 6 və çoxmərtəbəli yaşayış evlərinin tikintisi üzrə qiymətlər isə 1% bahalaşıb.

Sosial təyinatlı binalardan ümumtəhsil məktəblərinin tikintisi üzrə qiymətlərdə 0,8%, inzibati tikililər üzrə üzrə qiymətlərdə 0,6% bahalaşma müşahidə olunub.

"İstehsal təyinatlı obyektlərdən sənaye obyektlərinin tikintisi üzrə qiymətlər 0,2% bahalaşıb. Rüb ərzində yol tikintisi üzrə qiymətlər 0,5% körpü tikintisi üzrə qiymətlər isə 0,2% bahalaşıb"-deyə, komitədən bildirilib.