Ev almaq istəyənlərə məsləhət
Dərhal ev alqı-satqısı üzrə təcrübəli agentlik tapmaq lazımdır, hansı ki, belə vacib məsələdə sizə doğru-düzgün məsləhətlər verə bilsin.
Bəs mütəxəssisə hansı suallarla müraciət etmək lazımdır? Alıcı ilk növbədə bilməlidir ki, agentlik faizi ev satışından alır. Buna görə də alıcı məsləhət üçün agentliyə pul ödəmir. Bu da alıcı üçün əlverişli məqamlardan biridir. Çünki növbəti mərhələlərdə alıcını heç də az xərc gözləmir.
Sövdələşmələrin sadələşdirilməsi üçün ən yaxşı variant yerli bankların seçilməsidir. Onlar hazırki əmlak bazarının bütün xüsusiyyətlərini çox yaxşı bilirlər və bu sahədəki qanunvericilik bazası ilə yaxından tanışdırlar.
Həmçinin banklarda daşınmaz əmlakın qiymətləndirilməsi üçün xüsusi şöbələr də var. Kreditlə alacağınız mənzillərdə bank xidmətinin rolu danılmazdır. Mütləq mənzillə bağlı gələcək xərclər haqda bank əməkdaşlarından əvvəlcədən məsləhət almaq gərəkdir.
Realtor ilkin ödəniş və sonrakı proseslər barədə alıcını məlumatlandırmalıdır. Əksər hallarda ilkin ödəniş alıcının ciddi məqsədindən xəbər verir və kreditor üçün bir növ "təhlükəsizlik" rolunu oynayır. İlkin ödəniş evin dəyərinin 15%-35% -i arasında dəyişir. Alıcı bankdan sövdələşmə barədə müvafiq bildiriş ala bilir.
Bəzi hallarda alıcı avans olan ilkin ödənişi tapa bilmir. Belə halda alıcıya xərclərin bir hissəsinin satıcının üzərinə götürməsi üçün agentə müraciət məsləhət görülür. Yəni agent satıcını xərclərdə bir qədər güzəştə getməyə razı sala bilsin və beləliklə ilkin ödənişdə müəyyən qədər azalma hiss olunsun.
Alıcının ürəyinin sakitləşməsi üçün ilk növbədə mülkiyyətin sığortalanması gərəkdir. Sığorta adətən 1 il müddətində nəzərdə tutulur, lazım gəldikdə isə uzadıla bilir. Əsasən mülkiyyətin sığortalanması üçün ümumi məbləğin kiçik bir hissəsi ödənilir. İndiki bazarda çoxlu aksiya və bonuslar var ki, alıcı bundan istifadə edərək əmlakını əlverişli şərtlərlə sığortalaya bilər.
Birmənalı olaraq, alqı-satqı prosesində optimal variantın tapılması üçün bazar mütləq araşdırılmalıdır. Ona görə də bu sahədə yüksək ixtisaslı mütəxəssislərin köməyindən mütləq yararlanın.
