İT şirkət rəhbərləri hansı avtomobillərlə yola çıxır?
Yəqin hər kəsə maraqlıdır ki, dünyaca məşhur İT şirkət rəhbərləri hansı avtomobillərlə yola çıxır. Artıq bunu biləcəksiniz.
Unvan.az Xeberler.az-a istinadən FordSocial-ın hazırladığı siyahıya görə texnoloji şirkətlərinin direktorlarının istifadə etdikləri avtomobilləri təqdim edirik.
Tim Cook (Apple şirkətinin icraçı direktoru)
İlk avtomobili Porsche Boxster olan Cook, son vaxtlarda BMW M5 seriyalı avtomobil istifadə edir.
Elon Musk (Tesla Motors və SpaceX şirkətinin ortaq qurucusu)
Tesla Motors və SpaceX şirkətlərinin ortaq qurucusu olan Elon Musk 1967-ci ilin Jaguar 1-E Type modeli olan avtomobildən istifadə edir.
Mark Zuckerberg (Facebook şirkətinin qurucusu)
Facebook-un qurucusu və icraçı direktoru Mark Zuckerberg bir neçə avtomobilə sahibdir. Ən çox istifadə etdiyi avtomobil Acura TSX avtomobilidir. Bundan başqa Zuckerberg son olaraq 1.3 milyon dollar məbləğində satılan İtalia Pagani Huayra avtomobilinə sahibdir.
Bill Gates (Microsoft şirkətinin qurucusu)
Məlumatlara görə Bill Gates-in bir Porsche kolleksiyasına sahib olduğu bildirilir. Ancaq favoriti 13 il əvvəl aldığı Porsche 959 modelidir.
Jeff Bezos ( Amazon şirkətinin ortaq qurucusu və icraçı direktoru)
Ən dəyərli e-ticarət və texnoloji şirkətlərindən olan Amazon-un icraçı direktoru Jeff Bezos modeli 4 min dollar dəyərində olan 1996-cı ilin Honda Accord avtomobilindən istifadə edir.
Evan Spiegel (Snapchat şirkətinin qurucusu)
Şirkətin qurucusu və icraçı direktoru olan Evan Spiegel bir çox lüks avtomobillərə sahibdir. 2013-cü ilin iyun ayında investisiya alan Spiegel Ferrari California avtomobilini aldı.
Sergey Brin (Google şirkətinin ortaq qurucusu)
Google-un ortaq qurucusu Sergey Brin Tesla Motors-un ən sadiq müştərilərindən biridir. Tesla Motors-un son modeli olan Tesla Model X-ə sahib olan dörd nəfərdən biri Sergey Brin-dir.
Larry Page (Google şirkətinin ortaq qurucusu)
Larry Page-də Sergey Brin kimi Tesla Motors-un sadiq müştərilərindəndir. Həm də Tesla Motors-a ilk investisiya ayıran məhz Larry Page-dir.
Sean Parker (Napster şirkətinin qurucusu)
Napsterin qurucusu Sean Parker San-Fransisko şəhərində Audi S5, Los Ancelesdə olduqda isə Tesla Model S avtomobilindən istifadə edir.
Larry Elison (Oracle şirkətinin qurucusu)
Oracle-ın qurucusu və icraçı direktoru Larry Ellison-un favorit avtomobili Lexus LFA modelidir.
Michael Dell (Dell şirkətinin qurucusu)
Dell şirkətinin qurucusu və icraçı direktoru olan Michael Dell bir çox avtomobilə sahibdir. Bu avtomobillər arasında artıq istehsal olunmayan Hummer H2 modeli də var. Favorit avtomobili isə Porsche Carrera GT modelidir.
Dustin Moskovitz (Facebook-un ilk proqramçısı və ortaqlarından biri)
Duskin Moskovitz Volkswagen R32 Hatchback avtomobilindən istifadə edir.
Steve Ballmer (Microsoft şirkətinin keçmiş icraçı direktoru)
Microsoft-un ortaq qurucusu, keçmiş icraçı direktoru və NBA komandalarından Los Anceles Clippers-in rəhbəri olan Steve Ballmer, Ford Fusion Hybrid avtomobilindən istifadə edir.
