Smartfonların tədarükü ilbəil artır
"BI Intelligence" analitik şirkəti dünya smartfonlar bazarında yekun araşdırmalarını qeyd edib. Araşdırmaların nəticəsinə əsasən, inkişaf etməkdə olan regionlar sayəsində smartfonların artımını qeyd edib. Mütəxəssislərin hesablamalarına əsasən, 2016-ci ildə bu telefonların tədarükü 2 milyarda çatacaq.
Mütəxəssislər bildirib ki, 2014-cü ildə smartfonların qlobal miqyasda tədarükü ilk dəfə 1 milyardı ötərək 1,3 milyard təşkil edib ki, bu da əvvəlki ilə müqayisədə 29 faiz çoxdur. 2013-cü ildə bazarın artım tempi 45 faizə bərabər olub.
Rabitə və Yüksək Texnologiyalar Nazirliyinin verdiyi məlumata görə, şirkət smartfonların yaxın gələcək üçün satışları üzrə proqnozu yeniləyərək inkişaf etmiş ölkələrdə elektronikanın yenilənməsinin artması və inkişaf etməkdə olan regionlarda istifadəçilərin adi telefonlardan smartfonlara sürətlə keçməsinə düzəlişlər edib.
Həmçinin, dünyadakı vəziyyətə Hindistan və Çinin smartfon bazarı təsir göstərəcək. Bu ölkələrin 2020-ci ilədək müvafiq olaraq ildə 31 və 8 faiz smartfon tədarükünü artıracağı gözlənilir.
Bu amillər isə il ərzində smartfon sayının 2 milyard olacağını göstərir. Bu isə 1 milyardlıq göstəriciyə nail olmaqdan daha tez baş tutacaq. Analitiklərin proqnozuna görə, 2020-ci ildə bu qurğuların tədarükü 3,4 milyard ədədə çatacaq.
Yaxın 5 il ərzində əməliyyat sistemi olmayan telefonların satışı 12 faiz azalacaq. hazıırda isə ucuz smartfonların tədarükünün artması əsas tendesiyalardan biridir.Hazırda ucuz smartfonların dünyada mobil telefonların tədarükündə payı dörddə birə bərabərdir.
"Android" lider platforma olaraq öz sözünü deyir. Baxmayaraq ki, "iPhone 6" modelinin satışa çıxarılması sayəsində "Apple" şirkəti "iOS" sisteminin payını 2014-cü ilin dördüncü rübündə 8 faiz artıra bilib, lakin "Android"in iştirak payı 77 faiz qalmaqla yüksək olub.
İstehsalçılar arasında lider "Apple" və "Samsung" şirkətləridir. Cənubi Koreya şirkəti 2014-cü ilin oktyabr-dekabrında smartfonların tədarükünü ötən ilin analoji dövrünə nisbətən 7 faiz artırıb, "iPhone" istehsalçısı, əksinə, smartfonların buraxılışını 46 faiz artırıb.
Hesabat dövründə Çinin beş böyük istehsalçısının qlobal smartfon bazarında payı iki il əvvəlki 18 faizə nisbətdə 24 faiz olub. Qeyd edək ki, "Apple" və "Samsung" şirkətlərinin ardınca bir neçə Çin şirkətinin daxil olduğu qrup gəlir.
