Yeni nəsil bankomatlar istifadəyə veriləcək
Azərbaycanda tətbiqi gözlənilən yeni bankomatlardan artıq bank kartınız oğurlandıqda hesabınızdan pul çıxararlar deyə narahatlıq keçirməyəcəksiz. Bu bankomatlardan yalnız kart sahibləri istifadə edə biləcək.
Azərbaycana gətiriləcək yeni biometrik bankomatlar texnologiya möcüzəsi sayılır. Şəxsləri göz və ya əldəki qan damarlarının şəkli ilə tanıyacaq yeni bankomatlar indiyə qədər istifadə etdiyimiz yalnız xüsusi şifrə ilə çalışan bankomatları tarixə qovuşduracaq.
Yeni biometrik bankomatlarda təhlükəsizlik məsələləri elə qurulub ki, istifadəçinin hesabından pul çəkmək, və ya istənilən maliyyə cinayəti törətmək demək olar ki mümkünsüz olacaq .Biometrik bankomatlardan istifadə zamanı kimsə istifadəçinin kartını və şifrəsini oğurlasa belə, bu onun bankdakı pul vəsaitinə heç bir təhlükə törətməyəcək.
Bank mütəxəssisi Nəriman İmranovun sözlərinə görə, biometrik bankomat şifrə ilə kart daxil edilsə də əlin qan damarlarının şəkli ilə eynilik olmadığına görə əməliyyatı yarıda saxlayacaq və blok edəcək. Sonra da istifadəçiyə məlumat veriləcək ki, itən kartınızı gəlib bankdan götürə bilərsiz.
Bu bankomatların ən qeyri-adi özəlliklərindən biri də odur ki, filmlərdə tez-tez istifadə olunan kəsilmiş əldən istifadə ehtimalını da inkar edir. Belə ki,bəzən filmlərdə bir şəxsin kəsilməş əli ilə onun pullari bankdan mənimsənilir. lakin bu bankomatların sistemi ele qurulub ki, kəsilmiş əldə qan olmadöğı üçün damarlarda identifikasıya sistemi işləməyəcək.
Mərkəzi Bank da yeni nəsil bankomatların tətbiqi məsələsinin gündəmdə olduğunu təsdiq edib. Bankdan bildirilib ki, hazırda yeni texnologiyaların öyrənilməsi və tətbiqi imkanları araşdırılır. Bundan başqa Mərkəzi Bank tərəfindən sistemin tətbiqi üçün məlumatların eyniləşdirmə qaydaları da müəyyən olunacaq. Məhz bundan sonra qərar veriləcək ki, eyniləşdirmə əldəki damarlar, göz və ya hansı formada olacaq.
