Yataq Mebeli

Yataq mebeli əsasən yataq otağında istifadə olunan və insanların rahat istirahəti üçün nəzərdə tutulan mebel dəstidir. Adətən bu mebelə yataq karkası, matras, komod, tumba və bəzən də şkaf kimi elementlər daxil olur. Düzgün seçilmiş yataq həm bel sağlamlığını qoruyur, həm də yuxu keyfiyyətini artırır. Rahat yataqda yatmaq insanın gündəlik həyatına birbaşa təsir edir.
Bu yazıda yataq mebelinin nə olduğunu, hansı növlərinin mövcud olduğunu, unvan.az saytında qiymətlər barədə məlumatları öyrənəcəksiniz.

Yataq mebeli növləri

Ən çox sifariş olunan modellərdən biri iki nəfərlik yataqlardır. Bu tip yataqlar adətən geniş olur və ailə yataq otaqları üçün nəzərdə tutulur. Müştərilər əsasən alt hissəsində saxlama bölməsi olan modellərə üstünlük verirlər. Tək nəfərlik yataqlar daha çox kiçik otaqlar üçün sifariş edilir. Bu modellər az yer tutur və sadə konstruksiyaya malik olur. Adətən gənclər otağı və ya kirayə mənzillər üçün uyğun seçim hesab olunur. Uşaq yataqları sifariş edilərkən əsas diqqət təhlükəsizlik və funksionallığa verilir. Valideynlər çox vaxt kənar qoruyucu hissələri olan və ya alt hissəsində siyirməsi olan modellərə üstünlük verirlər. Bu həm uşağın təhlükəsizliyi, həm də otaqda əlavə saxlama yeri baxımından faydalıdır.
Kiçik mənzillərdə yaşayan istifadəçilər daha çox multifunksional yataqlara maraq göstərirlər. Bu modellərdə yatağın altında siyirmə, dolab və ya qaldırılan mexanizm olur. Belə yataqlar həm yataq, həm də saxlama mebeli funksiyasını yerinə yetirdiyi üçün etibarlıdır.

Yataq mebeli sifarişi və qiyməti

Unvan.az saytında fərqli ölçü, material və dizayna malik yataqlar təqdim olunur. Tək nəfərlik sadə yataq modellərinin qiyməti 250 AZN - 400 AZN aralığında olur. Daha möhkəm konstruksiyalı və siyirməli modellər isə 400 AZN - 650 AZN civarında təklif olunur.
İki nəfərlik yataq modellərinin qiyməti isə ölçü və materialdan asılı olaraq dəyişir. Sadə iki nəfərlik çarpayılar 350 AZN - 700 AZN aralığında olur. MDF və ya baza mexanizmi olan modellərin qiyməti isə 700 AZN - 1200 AZN civarında olur. Dolab, tumba və komod daxil olan yataq dəstləri isə daha yüksək qiymətə malik olur. Bu tip komplekt mebellərin qiyməti adətən 1000 AZN - 2500 AZN və daha yuxarı ola bilər.

Yataq mebeli alarkən edilən səhvlər

Yataq mebeli alarkən istifadəçilərin ən çox etdiyi səhv yalnız qiymətə diqqət yetirməkdir. Ucuz görünən yataq bəzən zəif materialdan hazırlanır və qısa müddətdə problemlər yaradır. Bir müddət sonra karkas boşalır, səs verir və ya mexanizm düzgün işləmir. Bu isə həm əlavə xərc yaradır, həm də istifadə zamanı narahatlıq verir.
Digər problem isə yatağın otağın ölçüsünə uyğun seçilməməsidir. Böyük ölçülü yataq kiçik otaqda hərəkət etməyi çətinləşdirir və məkanı dar göstərir. Bəzi istifadəçilər isə əksinə, otağa uyğun olmayan kiçik model seçir. Rahatlıq problemi yaşayır.
Bir çox hallarda matras və karkas uyğunluğu da nəzərə alınmır. Uyğun olmayan matras həm rahatlığı azaldır, həm də bel və onurğa problemlərinə səbəb ola bilər. Buna görə yataq mebeli seçərkən ölçü, material, konstruksiya və istifadə rahatlığı birlikdə qiymətləndirilməlidir.