Ağır Texnika icarəsi

Ağır texnika tikinti, yol salınması, torpaq işləri və sənaye sahələrində istifadə olunan böyük və güclü maşınlardir. Ekskavatorlar, kranlar, buldozerlər və digər böyük maşınlar tikinti sahələrində mühüm rol oynayır. Lakin bu texnikaları almaq çox bahalı olduğu üçün bir çox şirkət və fərdi istifadəçi onları icarə etməyə üstünlük verir. Ağır texnikanın alınması böyük investisiya tələb edir. Bəzi hallarda isə texnika yalnız müəyyən layihələr üçün lazım olur. İcarə sayəsində böyük maliyyə xərcləri etmədən lazımi texnikadan istifadə etmək mümkündür.
Bu məqalədə ağır texnika icarəsinin nə olduğunu, hansı növlərinin mövcud olduğunu və unvan.az saytında qiymətlərin necə formalaşdığını öyrənəcəksiniz.

İcarəyə verilən texnikaların növləri

Ekskavator ən çox tələb olunan texnikadır. Adətən torpaq qazılması, fundament üçün çala açılması, kanalizasiya xətlərinin çəkilməsi və həyətlərin planlaşdırılması üçün sifariş edilir. Buldozer daha çox torpaq səthinin düzəldilməsi və sahənin tikintiyə hazırlanması üçün götürülür.
Avtokran əsasən ağır tikinti materiallarının qaldırılması üçün istifadə olunur. Beton blokların, metal konstruksiyaların və iri avadanlıqların quraşdırılmasında tələb olunur. İstifadəçilər çox vaxt yükün çəkisini düzgün hesablamadıqları üçün kranın gücü kifayət etmir. Yükləyici texnikalar əsasən qum, torpaq, çınqıl və tikinti materiallarının yüklənməsi üçün istifadə olunur. Tikinti meydançasında materialların sürətli daşınması üçün bu texnika vacibdir. Ən çox rast gəlinən problem dar ərazilərdə böyük texnikanın işləyə bilməməsidir.

Ağır texnika icarəsi qiymətləri

Unvan.az saytında ağır texnika icarəsinin qiyməti texnikanın növü və iş həcminə görə dəyişir. Ekskavator icarəsi praktikada saatlıq 60-100 AZN olur. Bəzi hallarda günlük 250-400 AZN civarına qədər çıxa bilir. Avtokran icarəsi isə kranın tonnajından asılı olaraq adətən 80-250 AZN saatlıq və ya daha yüksək qiymətlə təklif oluna bilər. Mini ekskavator və ya kiçik texnikalar üçün qiymətlər bir qədər aşağı olur və bəzi hallarda 250 AZN günlük səviyyəsində təqdim edilir. Böyük tonnajlı texnikalar və uzunmüddətli işlərdə isə aylıq icarə qiymətləri 7000-13000 AZN aralığında dəyişə bilir.

Ağır texnika seçərkən diqqət edilməli məqamlar

Ağır texnika seçərkən ən çox edilən səhv işə uyğun olmayan texnikanın götürülməsidir. Məsələn, dərin qazıntı üçün zəif ekskavator seçildikdə iş ləngiyir və əlavə saat xərci yaranır. Bir çox istifadəçi yalnız texnikaya diqqət edir. Amma operatorun təcrübəsi də eyni dərəcədə vacibdir. Təcrübəli operator texnikanı düzgün idarə edir, işi daha sürətli görür və riskləri azaldır. Xüsusilə kran və ekskavator kimi texnikalarda operatorun bacarığı işin keyfiyyətinə birbaşa təsir edir.
Texnikanın işlək vəziyyətdə olması işin yarımçıq qalmaması üçün əsas şərtdir. Nasaz texnika iş prosesini dayandıra və əlavə xərclər yarada bilər. Buna görə icarədən əvvəl texnikanın servis görüb-görmədiyini və işlək vəziyyətdə olduğunu yoxlamaq lazımdır.