Cam Balkon

Cam balkon sistemləri sadəcə balkonun bağlanması demək deyil. Bu sistemlər həm funksionallıq, həm də estetik baxımdan bir çox üstünlüklər təqdim edir. Cam balkon sistemləri binanın ümumi görünüşünü daha müasir və səliqəli edir. Şüşə panellər sayəsində balkon açıq və geniş görünür. Bu isə şəhər mənzillərində böyük üstünlük hesab olunur. Cam balkon sistemi quraşdırıldıqda balkon külək və səs-küydən qorunur. Şüşə panellər səs izolyasiyasına da müəyyən dərəcədə kömək edir.
Bu məqalədə cam balkon növləri, unvan.az saytında sifariş və qiymətləri, quraşdırma prosesləri haqqında məlumat əldə edəcəksiniz.

Cam balkon qnövləri

Sürgülü cam balkon daha çox dar balkonlarda sifariş olunur. Şüşələr rels üzərində sağa və ya sola sürüşərək açılır. İstifadəçilər bu sistemi adətən sadə işləmə mexanizminə görə seçir. Balkonun içində əlavə yer tutmur və gündəlik açıb-bağlama prosesi rahat olur. Ən çox rast gəlinən problem isə ucuz sistemlərdə relslərin tez sıradan çıxmasıdır. Qatlanan cam balkon sistemi balkonu tam açmaq istəyən istifadəçilər üçün daha uyğun olur. Şüşələr bir tərəfə doğru qatlanaraq yığılır və balkon açıq qalır. Bu tip sistem geniş balkonlarda daha funksional olur.
Çərçivəli cam balkon daha möhkəm konstruksiya istəyən istifadəçilər tərəfindən seçilir. Şüşələr alüminium profil içində yerləşir və bu sistem külək və təzyiqə daha davamlı olur. Çərçivəsiz cam balkon daha çox görünüşə önəm verən istifadəçilərin seçdiyi sistemdir. Şüşələr arasında profil olmadığı üçün balkon daha açıq və panoramik görünür. Lakin burada əsas məsələ şüşənin keyfiyyəti və montajın düzgün aparılmasıdır. Keyfiyyətsiz montaj olduqda şüşələr arasında boşluq yarana bilər.

Cam balkon satışı və qiymətləri

Unvan.az saytında həm sürgülü, həm qatlanan, həm də çərçivəli və çərçivəsiz cam balkon hazırlayan ustalar mövcuddur. İstifadəçilər balkon ölçüsünə, istifadə rahatlığına və büdcəyə uyğun sistemi seçə bilirlər. Sürgülü cam balkon sistemləri adətən kvadrat metr üçün 110 - 140 manat arasında hazırlanır. Qatlanan cam balkon sistemlərinin qiyməti isə orta hesabla 140 - 180 manat kvadrat metr olur. Çərçivəsiz cam balkon sistemləri daha bahalı hesab olunur. Qİymət adətən 180 - 230 manat kvadrat metr aralığında dəyişir.

Cam balkon quraşdırılması

İlk mərhələdə balkonun eni, hündürlüyü və kənar səthləri dəqiq ölçülür. Balkon divarları çox vaxt tam düz olmur. Bu səbəbdən ölçü götürülməsi sadə proses deyil. Ölçülər götürüldükdən sonra şüşə panellər və alüminium profil sistemləri hazırlanır. Temperli şüşələr ölçüyə uyğun kəsilir və mexanizm hissələri profilə yerləşdirilir. Bu mərhələdə əsas məqsəd bütün panellərin bir-birinə uyğun işləməsini təmin etməkdir.
Son mərhələdə rels sistemi balkonun yuxarı və aşağı hissəsinə quraşdırılır, daha sonra şüşə panellər mexanizmə yerləşdirilir. Quraşdırma bitdikdən sonra bütün panellər açılıb bağlanaraq yoxlanılır. Şüşələrin rahat hərəkət etməsi və aralıq boşluqlarının olmaması düzgün montajın əsas göstəricisidir.