Inşaat malları

İnşaat malları bina və müxtəlif tikililərin inşası, təmiri və bərpası üçün istifadə olunan materialların ümumi adıdır. Tikinti prosesində istifadə olunan materiallar binanın möhkəmliyini, təhlükəsizliyini və görünüşünü müəyyən edir. Sement və beton konstruksiyanın əsasını yaradır, kərpic divarların formalaşmasına kömək edir, armatur isə tikilinin daha möhkəm olmasını təmin edir. Keyfiyyətsiz materialdan istifadə etmək gələcəkdə ciddi problemlərə səbəb ola bilər.
Bu məqalədə inşaat mallarının növləri, seçim zamanı diqqət edilməli məqamlar və unvan.az saytında qiymətlər haqqında məlumat əldə edəcəksiniz.

İnşaat mallarının növləri

Fundament və beton konstruksiyalar üçün ən çox tələb olunan material sement və beton qarışıqlarıdır. Müştərilər əsasən markası düzgün seçilməyən sement səbəbindən çatlama problemi ilə qarşılaşırlar. Buna görə tikinti işinə uyğun sement seçilməsi vacibdir. Divar tikintisi üçün kərpic və blok materialları geniş istifadə olunur. Dam konstruksiyası, karkas və bəzi dekorativ işlər üçün taxta materiallardan istifadə olunur. Taxta seçərkən ən çox diqqət edilməli məsələ onun quru və düz olmasıdır.
Beton konstruksiyanın möhkəmliyi üçün armatur istifadə olunur. Tikinti tamamlandıqdan sonra daxili işlər üçün fərqli materiallar istifadə olunur. Bu materiallar həm rahatlıq, həm də görünüş baxımından böyük rol oynayır. Döşəmə üçün ən çox seçilən material laminat və parketdir. Laminat daha praktik və sərfəli hesab olunur, parket isə daha uzunömürlü və təbii görünüşə malikdir.
Divarların görünüşü əsasən istifadə olunan boya və örtük materiallarından asılıdır. Keyfiyyətsiz boya qısa müddətdə solur və divarda iz buraxır. Fasad üçün aqlay və digər üzlük materialları istifadə olunur. Düzgün seçilmiş material həm estetik görünüş yaradır, həm də divarı qoruyur. Dam örtüyü və izolyasiya materialları tikilinin uzunömürlü olması üçün vacibdir. Keyfiyyətsiz material istifadə edildikdə su sızması və istilik itkisi problemi yaranır.

İnşaat mallarının satışı və qiyməti

Unvan.az saytında müxtəlif tikinti materialları mövcuddur. Saytda sement, armatur, kərpic, blok, taxta, aqlay və digər tikinti materialları təqdim olunur. Məsələn sement adətən 8 - 11 manat, kərpic 0.20 - 0.35 manat, armatur isə kiloqram üzrə 1.10 - 1.40 manat aralığında olur. Beton qarışığı kub metr üzrə təxminən 95 - 140 manat, aqlay daşları isə kvadrat metr üzrə orta hesabla 18 - 35 manat aralığında təklif olunur. Bu isə büdcəyə uyğun material seçməyi asanlaşdırır.

İnşaat malları alarkən diqqət edilməli məqamlar

Keyfiyyətsiz material tez çatlayır, qırılır və ya deformasiya olur. Məsələn zəif sement betonun möhkəmliyini azaldır, keyfiyyətsiz borular isə sızma yaradır. Buna görə materialın keyfiyyəti tikintinin uzunömürlü olması üçün əsas amildir. Hər tikinti işi üçün eyni material uyğun olmur. Məsələn çoxmərtəbəli tikilidə istifadə olunan armatur ilə kiçik tikinti üçün istifadə olunan armatur eyni olmur. Layihəyə uyğun material seçmək həm təhlükəsizlik, həm də möhkəmlik baxımından əhəmiyyətlidir.
Tikinti zamanı materialların qiymətini əvvəlcədən araşdırmaq lazımdır. Plansız alış çox vaxt əlavə xərc yaradır. Buna görə insanlar əvvəlcə lazım olan materialları və təxmini qiymətləri müəyyənləşdirməyi unutmayın.