Darma Tavan

Darma tavan xüsusi materialdan hazırlanmış örtüyün metal və ya plastik profil üzərinə gərilməsi ilə yaradılır. Bəzən köhnə binalarda tavanın səthi çatlı və ya qeyri-bərabər olur. Belə vəziyyətdə darma tavan sanki bir örtük kimi həmin problemləri gizlədir. Darma tavan interyerə müasir və zərif görünüş qazandırır.
Bu məqalədə darma tavan növləri, unvan.az saytında sifariş prosesi və qiymətləri haqqında məlumatları öyrənəcəksiniz.

Darma tavan növləri

Parlaq darma tavan əsasən kiçik və az işıqlı otaqlarda sifariş olunur. Səth işığı əks etdirdiyi üçün otaq daha geniş görünür. Lakin çox güclü işıqlandırma olan məkanlarda bəzən əks görüntü yarana bilər. Mat darma tavan daha sakit və təbii görünüş istəyən istifadəçilər tərəfindən seçilir. Bu növ parlamadığı üçün klassik tavan effekti yaradır və interyerdə diqqəti tavana deyil, ümumi dizayna yönəldir. Xüsusilə yataq otağı və sadə interyerlər üçün ən rahat seçim hesab olunur.
Satin darma tavan mat və parlaq tavan arasında balans yaradır. Səth çox parlamır, amma tam mat da görünmür. Bu səbəbdən interyerdə həm zərif, həm də səliqəli görüntü yaradır.

Darma tavan sifarişi və qiymətləri

Unvan.az saytında parlaq, mat və satin modellər üçün qiymətlər adətən 18 - 28 manat kvadrat metr aralığında dəyişir. Daha dizaynlı və işıqlı konstruksiyalarda isə qiymət 30 - 40 manat kvadrat metrə qədər yüksələ bilər. sadə bir otaq üçün standart darma tavan sifarişi adətən 150 - 300 manat aralığında başa gəlir. Otağın ölçüsü, material keyfiyyəti və işıqlandırma sistemi qiymətin dəyişməsinə təsir göstərir.

Darma tavan seçərkən diqqət edilməli məqamlar

Keyfiyyətli darma tavan materialı hamar olur, kənarlarda dalğalanma yaratmır və zamanla rəng dəyişmir. Zəif material istifadə edildikdə isə bir müddətdən sonra tavan sallana və ya səthində qırışlar yarana bilər. Buna görə sifariş zamanı istifadə olunan materialın qalınlığı və keyfiyyəti barədə əvvəlcədən məlumat almaq vacibdir.
Darma tavanın görünüşü yalnız materialdan deyil, montajdan da çox asılıdır. Təcrübəsiz quraşdırma zamanı künclərdə boşluq qala və tavan tam gərilməyə bilər. Peşəkar usta isə ölçünü düzgün götürür. Profilləri dəqiq yerləşdirir və nəticədə tavan səliqəli və gərgin formada görünür.