Laminat

Laminat xüsusi texnologiya ilə hazırlanmış çoxqatlı döşəmə materialıdır. Onun üst qatında qoruyucu örtük, alt qatında isə möhkəm konstruksiya yerləşir. Laminat döşəmənin ən böyük üstünlüklərindən biri onun dizayn müxtəlifliyidir. Müxtəlif ağac teksturaları, rəng tonları və səth effektləri sayəsində istənilən interyerə uyğun model tapmaq mümkündür.
Bu məqalədə laminat döşəmənin nə olduğu, hansı növlərinin mövcud olduğu, unvan.az saytında laminat satışı və qiymətləri ilə bağlı məqamları öyrənəcəksiniz.

Laminat növləri

Klassik laminat ən çox seçilən variantdır. Çünki qiymət və istifadə rahatlığı baxımından balanslıdır. Evdə qonaq otağı, yataq otağı və dəhliz kimi yerlər üçün kifayət qədər möhkəm olur. Alıcıların ən çox verdiyi suallardan biri cızılma və şişmə problemidir. Keyfiyyətli klassik laminat normal istifadə zamanı bu problemləri yaratmır. Mətbəx və su ilə təmas ehtimalı olan yerlər üçün adi laminat həmişə uyğun olmur. Belə hallarda suya davamlı laminat daha doğru seçim olur. Bu tip laminatların kənar hissələri xüsusi qoruyucu qatla hazırlanır və panellər bir-birinə daha sıx bağlanır.
Döşəmənin tez aşındığı yerlər üçün qalın laminat daha yaxşı nəticə verir. 10 və ya 12 mm qalınlığında olan modellər həm daha möhkəm olur, həm də addım səsini azaldır. Ofis, salon və çox istifadə olunan otaqlar üçün alıcılar adətən bu tip laminatları seçir

Laminat satışı və qiymətləri

Unvan.az saytında əsasən 7 mm, 8 mm, 10 mm və 12 mm qalınlığında laminat modelləri təklif olunur. 7 mm laminatlar daha sadə və ucuz variant hesab olunur. Kvadrat metri təxminən 8 - 12 manat civarında olur. 8 mm laminatlar daha çox seçilən modellərdir və qiyməti 12 - 18 manat aralığında dəyişir. Daha qalın və davamlı 10 mm və 12 mm laminatlar isə əsasən 18 - 30 manat arasında satılır. Standart 8 mm laminat bəzi satıcılarda təxminən 12 manat, keyfiyyətli Avropa istehsalı modellərdə isə 16 - 18 manat civarında olur. Premium suya davamlı laminatlar isə kvadrat metrə görə təxminən 25 - 35 manat aralığında təklif olunur.

Laminat döşəmə necə quraşdırılır?

Laminat döşəmədə ən çox problem yaradan məsələ alt səthin düzgün hazırlanmamasıdır. Döşəmə əyri və ya dalğalı olduqda laminat panellər bir müddət sonra boşluq verir. Səs çıxarır və kilid hissələri zədələnir. Buna görə quraşdırmadan əvvəl səthin tam düz olması vacibdir. Əgər köhnə beton və ya şap qatında çökəkliklər varsa əvvəlcə düzəldilir. Laminat panellər xüsusi kilid sistemi ilə bir-birinə keçirilərək yığılır.
Bu sistem sayəsində yapışqan istifadə etməyə ehtiyac olmur. Panellər adətən divardan bir qədər məsafə saxlanılaraq düzülür ki, material temperatur dəyişməsində genişlənə bilsin. Laminat döşəmə yığıldıqdan sonra kənar hissələrdə boşluqlar qalır və plintus ilə örtülür. Plintus həm estetik görünüş yaradır, həm də laminatın kənar hissələrini qoruyur. Qapı keçidlərində isə xüsusi keçid profilləri istifadə olunur.