Mebellər
Evimizin içini yalnız divarlar, döşəmələr və tavanlar formalaşdırmır. Onu doğrudan da ev edən və yaşanılası bir məkana çevirən əsas ünsür mebeldir. Mebel yalnız oturmaq və ya əşyaları yerləşdirmək üçün deyil, həm də bizim zövqümüzü, həyat tərzimizi və estetik anlayışımızı ifadə edən vacib bir elementdir.
Hər bir otağın ab-havasını formalaşdırmaqda mebel seçimi əsas rol oynayır. Rahat bir divan ailəvi istirahətin mərkəzi ola bilər. Funksional bir dolab isə həm səliqəni qoruyar, həm də interyerin ayrılmaz hissəsinə çevrilər. Bu yazıda isə sənə mebel dünyası haqqında daha ətraflı danışacağıq.Hhansı növ mebellər var, hansı üslublar dəbdədir, necə daha sərfəli və keyfiyyətli seçim etmək olar. Üstəlik, bütün bu mebelləri Unvan.Az-dan əldə edə biləcəyini də göstərəcəyik.
Təqdim olunan mebel növləri
Unvan.Az-da mebel kateqoriyası olduqca zəngin və funksionaldır. İstər yeni ev qurursunuz, istərsə də mövcud interyeri yeniləmək istəyirsiniz. Burada zövqünüzə və büdcənizə uyğun çoxsaylı modellər tapmaq mümkündür. Divanlardan tutmuş ofis mebellərinə qədər hər detal düşünülüb.
Divan modelləri
Künc divanlar həm rahatlığı, həm də məkandan qənaətli istifadəsi ilə seçilir. Xüsusilə studiya tipli evlər və açıq planlı otaqlar üçün uyğun olan bu modellər oturma zonası yaradır. Həm də interyerdə tərtibat baxımından səliqə yaradır. Modul divanlar çevikliyi sevənlər üçün əla seçimdir. Bu tip divanları ehtiyac və zövqə uyğun şəkildə yenidən qurmaq, hissələri dəyişmək mümkündür. Fərqli formalarda düzülməsi və çoxfunksiyalı olması onları xüsusilə praktik edir. Zövq fərqlidir, amma seçim boldur. Unvan.Az-da həm klassik, həm də müasir üslubda dizayn olunmuş divan modelləri təqdim olunur. Parça və dəri material seçimləri, müxtəlif rəng və ölçülərlə bu divanlar evinizin tərzinə uyğunlaşdırıla bilər.
Dolab modelləri
Geyim dolabları otaq dekorasiyasının tamamlayıcı hissəsidir. Geniş bölmələri və müasir görünüşü ilə geyim dolabları həm saxlama, həm də estetik baxımdan zövqlü seçimlərdir. Künc dolablar kiçik otaqlar və dar sahələr üçün mükəmməldir. Otağın boş qalan künclərini istifadə olunacaq sahəyə çevirmək istəyənlər üçün bu modellər olduqca funksionaldır. Sürgülü dolablar dar məkanlarda qapıların açılıb-bağlanma problemi olmadan rahat istifadə imkanı təqdim edir. Yerdən qənaət etməklə yanaşı, modern görünüşü ilə də dekorasiyaya estetik qatır.
Yataq otağı mebelləri
Yataq otağı günün yorğunluğundan azad olmağımız üçün xüsusi bir məkandır. Buna görə də seçilən mebellər həm rahat, həm də zərif olmalıdır. Təqdim olunan yataq otağı dəstləri yataq, komod, paltar dolabı, tualet masası və digər vacib elementləri ilə birlikdə təklif olunur. Fərqli üslub və qiymət aralığında olan bu mebellər hər kəsin zövqünə uyğun seçim imkanı yaradır.
Uşaq otağı üçün xüsusi mebellər
Uşaq otağı üçün mebel seçimi sadəcə rəngli olmaqla bitmir. Təhlükəsizlik, funksionallıq və sağlam materiallar əsas kriteriyalardandır. Uşaqlar üçün nəzərdə tutulmuş mebellər erqonomik dizayna, yığcam ölçülərə və davamlı materiallara malikdir. Əlavə olaraq, rəngarəng görünüşü və şən motivləri ilə uşaqların diqqətini çəkir. Otaqda xoş bir atmosfer yaradır.
Ofis mebelləri və funksionallıq
Ofisdə və ya evdə işləyənlər üçün rahat iş mühiti yaratmaq lazımdır. İş masaları, ortopedik ofis stulları, sənəd və arxiv dolabları, açıq və qapalı rəflər rahatlıq və təşkilatlanma baxımından iş fəaliyyətinizi dəstəkləyir. Dizayn və funksionallıq baxımından fərqli seçimlər sayəsində həm klassik ofis tərzinə, həm də modern interyerə uyğun mebel tapmaq mümkündür.
Qiymət aralığı
Saytın mebel alışı zamanı ən böyük üstünlüklərdən biri geniş qiymət aralığı və müxtəlif keyfiyyət səviyyəsində seçim imkanıdır. İstər sərfəli, gündəlik istifadə üçün nəzərdə tutulmuş mebellər axtarasınız, istərsə də yüksək keyfiyyətli və estetik cəhətdən fərqlənən premium modellərin hamısı burada mövcuddur. Təkcə qiymətə görə deyil, həm də material, ölçü, dizayn və funksionallığa görə filtrasiya imkanları istifadəçiyə düzgün seçim etməyə şərait yaradır. Məhsul bolluğu və geniş çeşid alıcını məhdud seçimlər arasında sıxışdırmır. Əksinə daha rahat və məlumatlı qərar verməsinə imkan verir. Ən önəmlisi isə odur ki, Unvan.Az-da məhsul seçərkən büdcədən güzəştə getmədən keyfiyyətdən də imtina etmək lazım gəlmir.
Mebel sifarişi nə üçün bu qədər populyardır?
Son illərdə mebel alışı sahəsində ciddi dəyişikliklər müşahidə olunur. Əvvəllər insanlar yalnız mağazalarda mövcud olan, standart ölçü və dizaynlarda təqdim edilən modellərlə kifayətlənirdilər. Bu gün daha fərdi yanaşma ön plana çıxıb. İnsanlar evlərinin və ya ofislərinin ölçüsünə, dekorativ stilinə və şəxsi zövqünə uyğun mebellər axtarır. Bu da sifarişlə hazırlanan mebelə marağı artırır. Saytda müxtəlif ustalar və mebel dizaynerləri tərəfindən təklif olunan sifarişlə mebel xidmətləri geniş çeşiddə təqdim olunur. Bu da istifadəçilərə rahat seçim və fərdi dizayn imkanı yaradır.
Sifarişlə mebelin üstünlükləri
Sifarişlə hazırlanan mebellərin ən böyük üstünlüyü onun tam fərdi olmasıdır. İstifadəçi həm ölçü, həm rəng, həm də material seçimində tam sərbəstdir. Bu isə məkanın ölçülərinə uyğunlaşma və rahatlıq baxımından böyük üstünlük yaradır. Digəe tərəfdən, dizayn tam zövqə uyğun şəkildə formalaşdırıldığı üçün estetik baxımdan da yüksək nəticə əldə olunur. Material seçiminə nəzarət imkanı sayəsində isə həm keyfiyyətə, həm də büdcəyə uyğun optimal variant hazırlamaq mümkündür. Bu yanaşma ilə insanlar həm orijinal görünüşlü, həm də uzunömürlü mebelə sahib olurlar.
Standart mebeldən fərqləri
Standart mebel modelləri hər zaman hər ev üçün uyğun olmaya bilər. Bəzən ölçülər, rənglər və ya formalar məkanla uyğunlaşmır və nəticədə həm görüntü, həm də rahatlıq baxımından istənilən effekt alınmır. Halbuki sifarişlə hazırlanan mebel, məkanın konkret ehtiyaclarına uyğun tərtib olunur. Qeyri-standart ölçülü otaqlar, qeyri-adi bucaqlar və ya spesifik saxlama ehtiyacları olan yerlər üçün bu cür mebel mükəmməl həlldir. Fərdi hazırlanmış modellər sadəcə estetik deyil, funksionallıq baxımından da daha səmərəli olur. İstifadəçiyə məkanını maksimum effektivliklə istifadə etməyə imkan verir.
Mebel seçərkən nələrə diqqət etməliyik?
Düzgün mebel seçimi evin və ya ofisin funksionallığını, estetik görünüşünü və ümumi rahatlığını birbaşa müəyyən edən amillərdən biridir. İlk olaraq, yerləşdiriləcək məkanın ölçüləri düzgün şəkildə ölçülməlidir. Kiçik bir otaqda iri həcmli mebel estetik pozuntuya səbəb olar. Həm də hərəkət rahatlığını azaldar. Digər vacib məqam mebelin materialıdır. Keyfiyyətli və davamlı materialdan hazırlanmış mebel uzun müddət istifadə üçün əlverişli olur. Deformasiya ehtimalı azdır. Rəng seçimi də vizual uyğunluq baxımından mühüm rol oynayır. Mebel, divar və döşəmə rəngləri ilə harmoniyada olmalıdır. Otaqda xoş və balanslı bir atmosfer yaransın. Dizayn və rahatlıq da nəzərə alınmalı əsas faktorlar sırasındadır. Mebel yalnız gözəl görünməməlidir. Eyni zamanda gündəlik istifadədə konfor təmin etməlidir. Əlbəttə ki, bütün bu xüsusiyyətlər büdcə ilə uzlaşdırılmalıdır.
