"Mənfəət vergisi bəyannaməsinin tərtibi" Təlimi

Elanın növü Xidmətlər
Hazırlıq kursları

Qiyməti 300 Azn

30 saatlıq həm nəzəriyyə, həm də praktikadan ibarət "Mənfəət vergisi bəyannaməsinin tərtibi" təlimi zamanı uzunmüddətli təcrübələrimiz əsasında qazanılmış biliklərimizi sizinlə paylaşmaqdan məmnunluq duyarıq. Təlim mənfəət vergisi bəyannaməsini tərtib edən mühasib və baş mühasiblər ilə yanaşı auditor və ya maliyyə meneceri olaraq işləyən və tərtib edilən hesabatların düzgünlüyünü yoxlamaq istəyənlər üçün nəzərdə tutulmuşdur.

Təlimdə detallı olaraq qanunvericilik və qaydalar izah edilsə də, böyük bir hissə məhz praktiki hissədən ibarətdir. Praktiki hissədə mühasibat uçotu standartlarına əsasən uçot aparılmış bir müəssisənin mühasibat uçotu nəticələrinin - sınaq balansı, müxabirləşmə jurnalı və digər məlumatları analiz edilərək vergi qanunvericiliyinə uyğun müxabirləşmələrin verilməsi ilə mənfəət vergisi bəyannaməsinin həm gəlir-xərc, həm də, balans maddələri üzrə məlumatların əldə edilməsi istiqamətində qurulmuşdur. Praktiki hissədə qanun və qaydaların tələblərinə uyğun olaraq Excel sənədində formulaların qurulması və işin aparılması izah edilir. İnanırıq ki, bəyannamənin tərtibi metodologiyası və qurulmuş fayllar cari və növbəti illərdə vaxtınıza əhəmiyətli dərəcədə qənaət etmənizə səbəb olacaq.

Müəyyən qədər vergi qanunvericiliyi və mühasibat uçotu haqqında məlumatlı olan və Exceldə işləyə bilənlərin iştirakı tövsiyə olunur. Təlimə fərdi qaydada və ya fəaliyyət göstərdiyiniz müəssisənin dəstəyi ilə qoşula bilərsiniz.

Qeyd: İlk qeydiyyatdan keçən 3 iştirakçı üçün 10% endirim tətbiq olunacaq.