Polikarbonat

Tikinti və konstruksiya sahəsində istifadə olunan materiallar arasında polikarbonat xüsusi yer tutur. Müasir tikinti layihələrində həm estetik görünüş, həm də davamlılıq vacib olduğu üçün bu material getdikcə daha çox seçilir. Polikarbonat həm yüngül, həm də möhkəm olması ilə tanınır və müxtəlif konstruksiyalarda rahatlıqla istifadə olunur.
Unvan.az saytında polikarbonat növləri, satışı və qiymətləri haqqında məlumat əldə edə bilərsiniz.

Polikarbonat növləri

Dam örtüyü, istixana, kölgəlik və ya başqa konstruksiya üçün fərqli polikarbonat seçilməlidir. Monolit polikarbonat bərk və şüşəyə bənzər materialdır. Əsas üstünlüyü qırılmaya qarşı çox dayanıqlı olmasıdır. Şüşə tez çatladığı yerlərdə müştərilər adətən bu materialı seçir. Vitrinlərdə, qoruyucu panellərdə və şəffaf örtüklərdə istifadə olunur. Hüceyrəli polikarbonat içərisində kanallar olan yüngül materialdır. Bu quruluş həm çəkini azaldır, həm də istilik izolyasiyasını yaxşılaşdırır.
İstixana, kölgəlik və müxtəlif örtüklər üçün ən çox tələb olunan materiallardan biridir. İkiqat qatlı polikarbonat daha sadə konstruksiyalar üçün istifadə olunur. Kiçik istixanalar, həyət örtükləri və yüngül konstruksiyalar üçün müştərilər ən çox bu variantı seçir. Çoxqatlı polikarbonat daha qalın və möhkəm quruluşa malikdir. Böyük sahələrdə istifadə olunan örtüklərdə daha çox üstünlük verilir. Güclü konstruksiya tələb olunan yerlərdə bu material daha etibarlı nəticə verir.

Polikarbonat satışı və qiymətləri

Unvan.az saytında materialın qalınlığı, ölçüsü və növü qiymətə birbaşa təsir edir. Eyni görünən iki polikarbonat arasında ciddi qiymət fərqi ola bilər. 4 mm qalınlığında hüceyrəli polikarbonatın 1 kvadrat metri təxminən 8-12 AZN arasında olur. 6 mm qalınlıq adətən 12-16 AZN, 8 mm isə 16-22 AZN civarında satılır. Daha qalın, məsələn 10 mm və 16 mm panellər isə istifadə sahəsindən asılı olaraq 25-45 AZN aralığında ola bilər. Monolit polikarbonat isə daha möhkəm olduğuna görə qiyməti daha yüksək olur və 1 kvadrat metri təxminən 35-80 AZN arasında dəyişir.

Polikarbonatın quraşdırılması və istifadəsi

Alıcıların çoxu sonradan çatlama, su sızması və ya panelin əyilməsi kimi problemlərlə qarşılaşır. Bunun səbəbi əksər hallarda səhv montaj olur. Ona görə polikarbonat quraşdırılarkən həm konstruksiya düzgün hazırlanmalı, həm də material texniki qaydalara uyğun yerləşdirilməlidir. Polikarbonat panellər quraşdırılarkən aralıq məsafələri düzgün saxlanmalıdır. Çünki temperatur dəyişdikdə material bir qədər genişlənir və sıx montaj edildikdə panel deformasiya ola bilər. kanalların istiqaməti düzgün yerləşdirilməlidir ki, içəridə rütubət yığılmasın.
Sadə su və yumşaq təmizləmə vasitələri materialın səthini qorumağa kömək edir. Panellərin üzərində artıq yük yaranmaması və konstruksiyanın möhkəm olması da vacibdir.