Sürgü sistemləri

Sürgü sistemi axtaran insanların ən böyük çətinliyi uyğun mexanizm və keyfiyyətli məhsul tapmaq olur. Bəzən bazarda çox sayda variant olsa da, istifadəçi hansı sistemin daha uyğun olduğunu müəyyən etməkdə çətinlik çəkir. unvan.az saytında sürgü sistemləri ilə maraqlanan istifadəçilər müxtəlif mexanizm və konstruksiya variantları ilə tanış ola bilirlər.

Sürgü sistemlərinin əsas növləri

Bəzən otaqda qapı açılarkən mebelə dəyir, bəzən isə dolab qapıları dar sahədə istifadəni çətinləşdirir. Belə vəziyyətlərdə düzgün seçilmiş sürgü sistemi həm rahatlıq yaradır, həm də gündəlik istifadəni xeyli asanlaşdırır. Otaqlar arasında klassik qapılar bəzən ciddi narahatlıq yarada bilir. Qapı açıldıqda arxasında boş sahə tələb olunur və bu da mebel yerləşdirməyə mane olur. Qapı üçün nəzərdə tutulmuş sürgü sistemləri bu problemi aradan qaldırır. Şkaf və mebel üçün hazırlanan sürgü sistemləri isə dolab qapıları rels üzərində hərəkət edir və açılıb bağlanarkən əlavə sahə tələb etmir. Böyük qarderob şkaflarında bu sistem istifadə üçün daha rahat olur. İstifadəçi dolabın qarşısında dayandığı halda belə qapını rahat şəkildə sürüşdürərək istədiyi bölməyə çatır.
Şüşə sürgü sistemləri daha çox açıq və müasir görünüş istəyən insanlar üçün seçilir. Ofislərdə otaqları ayırmaq üçün bu sistemlər çox istifadə olunur. Çünki şüşə panellər həm işığı saxlayır, həm də məkanın qapalı hiss olunmasının qarşısını alır. Balkon və böyük pəncərə çıxışlarında istifadə olunan sürgü sistemləri geniş şüşə panellərlə hazırlanır. Bu sistemlərin əsas məqsədi həm panoramik görüntünü qorumaq, həm də istifadə rahatlığı yaratmaqdır.

Sürgü sistemlərinin satışı və qiyməti

Taxta panelli sürgü qapılar adətən 120 - 300 manat aralığında dəyişə bilir. Alüminium karkaslı sistemlər isə daha möhkəm və uzunömürlü olduğu üçün qiymətləri təxminən 200 - 450 manat aralığında olur. Sadə şüşə panelli sistemlər təxminən 250 manatdan başlayır. Keyfiyyətli temperli şüşə istifadə olunduqda 600 manata qədər yüksələ bilir. Kiçik otaq qapıları üçün nəzərdə tutulmuş sürgü sistemləri adətən 150 - 350 manat aralığında olur. Lakin geniş açılışlar və böyük şüşə panellər tələb edən layihələrdə qiymət daha yüksək ola bilər.
Böyük balkon və ya vitrin tipli sürgü sistemlərində isə ümumi qiymət 500 - 1200 manat və daha yüksək səviyyəyə çata bilir. Sadə mexanizmlər daha ucuz olsa da bəzən istifadə zamanı səs yarada və tez aşına bilər. Bu tip mexanizmlərin qiyməti adətən 40 - 80 manat aralığında olur.

Sürgü sistemlərinə qulluq və texniki xidmət

Sürgü sisteminin ən həssas hissəsi mexanizm və rels hissəsidir. Bu hissələr davamlı hərəkətdə olduğu üçün toz və kir tez toplanır. Rels içərisində yığılan xırda hissəciklər zamanla mexanizmin hərəkətini çətinləşdirə bilər və qapının sürüşməsi ağırlaşa bilər. Bu problemin qarşısını almaq üçün rels hissəsi vaxtaşırı təmizlənməlidir. Yumşaq fırça və ya parça ilə relslərin içindəki tozları təmizləmək mexanizmin daha rahat işləməsinə kömək edir. Əgər mexanizm səs çıxarırsa və ya qapı ağır hərəkət edirsə, rels və rulman hissələrini yoxlamaq faydalı olur.
Sürgü sisteminin ömrünü uzatmaq üçün ilk növbədə qapını və ya paneli zorla hərəkət etdirməmək lazımdır. Bəzi istifadəçilər qapı ağır hərəkət etdikdə onu güclə itələyir. bu da mexanizmin zədələnməsinə səbəb ola bilər. Əgər sürüşmə çətinləşirsə, səbəbi relsdəki kir və ya mexanizmdəki problem ola bilər və əvvəlcə həmin hissə yoxlanılmalıdır. Digər vacib məqam rels hissəsinin daim təmiz saxlanılmasıdır. Rels içində yığılan kiçik əşyalar, toz və digər qalıqlar mexanizmin işini zəiflədir. Rels təmiz olduqda qapı daha səssiz və rahat hərəkət edir.