Taxta

Taxta ağacın emal olunması ilə əldə edilən təbii tikinti materialıdır. Bu material həm möhkəmliyi, həm də işlənməsinin asan olması səbəbilə tikinti sahəsində geniş istifadə olunur. Taxta ilə işləmək metal və betonla işləməkdən daha rahatdır. Taxta ev tikintisində, dam konstruksiyalarında, mebel istehsalında, döşəmə örtüklərində və dekorativ elementlərin hazırlanmasında istifadə olunur. Bu yazıda taxta növləri, seçim zamanı diqqət edilməli məqamlar, unvan.az saytında taxta satışı və qiymətləri haqqında məlumat veriləcək.

Taxta növləri

Hər ağacın xüsusiyyəti fərqlidir və istifadə yeri düzgün seçilməlidir. Bəzi taxtalar tikinti üçün uyğundur, bəziləri isə mebel üçün daha keyfiyyətli nəticə verir. Şam taxtası tikinti işlərində ən çox sevilən materialdır. Həm yüngüldür, həm də kəsmək və işləmək rahatdır. Dam karkası, arakəsmə və müxtəlif konstruksiya işlərində tez-tez istifadə olunur. Fıstıq taxtası daha sərt və möhkəm materialdır. Adətən mebel hazırlayan ustalar bu ağaca üstünlük verir. Səthi hamar olur və cilalandıqdan sonra daha keyfiyyətli görünüş verir.
Palıd taxtası ağır və çox davamlı materialdır. Uzun müddət istifadə olunan mebellərdə və möhkəmlik tələb edən işlərdə daha çox seçilir. Çox adam möhkəm masa və ya pilləkən üçün məhz palıd istəyir. Qoz taxtası daha çox görünüşün vacib olduğu işlərdə istifadə olunur. Rəngi və teksturası gözəl olduğu üçün bahalı mebellərdə, dekor elementlərində və xüsusi sifarişlərdə daha çox seçilir.

Taxta satışı və qiymətləri

Unvan.az saytında şam, palıd, qoz və digər ağac növlərindən hazırlanan taxtalar təqdim olunur. Ölçülər adətən 2 metr, 3 metr və daha uzun formada olur. Qalınlıq isə istifadə məqsədinə görə dəyişir. Sadə şam taxtaları 8 - 18 manat , qalın konstruksiya taxtaları isə 20 - 45 manat aralığında satılır. Palıd və qoz kimi keyfiyyətli ağac taxtalarının qiyməti isə ölçüsündən asılı olaraq 60 - 150 manat və daha yüksək ola bilər.

Taxta seçərkən diqqət edilməli məqamlar

Taxta alan müştərilərin ən çox etdiyi səhv yalnız ölçüyə və ya qiymətə baxmaqdır. Halbuki materialın vəziyyəti və keyfiyyəti sonradan ciddi problemlər yarada bilər. Taxta nə qədər quru olsa, o qədər stabil olur. Nəm taxta sonradan quruduqca bükülə və ya ölçüsünü dəyişə bilər. Bu isə mebel və döşəmə işlərində problem yaradır. Taxtanın səthində dərin çatlar, qabarma və ya əyilmə olmamalıdır. Belə material işlənərkən qırılma və ya forma dəyişməsi yarada bilər. Ustalar adətən düz və lifləri səliqəli olan taxtaya üstünlük verir.
Hər iş üçün eyni qalınlıqda taxta uyğun olmur. Dam konstruksiyası üçün qalın material lazımdır, mebel üçün isə daha səliqəli və ölçüsü dəqiq taxta seçilir. İşə uyğun ölçü götürmək həm material itkisini azaldır, həm də quraşdırmanı asanlaşdırır.